पशुपतिमा महाशिवरात्रि पर्वको रौनक [तस्बिरहरु]

तस्बिर : इलिट जोशी

काठमाडौँ — महाशिवरात्रिका अवसरमा पशुपतिनाथ मन्दिर लगायत देशभरका शिवालयमा देवादीदेव महादेवको पूजा आराधना गर्ने भक्तजनको शुक्रबार बिहानैदेखि भीड लागेको छ । बिहान ७ बजेसम्म डेढ लाख बढी भक्तजनले पशुपतिनाथ मन्दिरभित्र प्रवेश गरी पूजा आराधना एवं दर्शन गरिसकेका छन् ।

प्रकाशित : फाल्गुन ९, २०७६ १२:०७

लाखौँभक्तजन पवित्र तीर्थस्थल पशुपति क्षेत्रमा लाम लागेर दर्शनको प्रतीक्षामा छन् । पशुपतिनाथमा पूजा गर्न संस्कृति, पर्यटन तथा नागरिक उड्डयन मन्त्री योगेश भट्टराई लगायत सरकारका उच्च पदस्थ व्यक्तिहरु पुगेका छन् । प्रत्येक वर्ष फागुन कृष्ण चतुर्दशीमध्यरातमा परेका दिन मनाइने महाशिवरात्रि पर्व आराध्यदेव भगवान् शिवको पूजा–आराधना गरी आज देशभर मनाइन्छ । नेपालपञ्चाङ्ग निर्णायक समितिले दिएको जानकारीअनुसार शुक्रबार दिउँसो ५:४० बजेसम्म त्रयोदशी तिथि छ । त्यसपछिचतुर्दशी प्रारम्भ हुन्छ । चतुर्दशी तिथि शनिबार बेलुकी ६:३७ बजेसम्म छ ।

मध्यरातमा चतुर्दशी तिथि शुक्रबार परेकाले आजै महाशिवरात्रि पर्व मनाउने निर्णय समितिले गरेको हो । पर ब्रह्मले फागुन कृष्ण चतुर्दशीका दिनमध्यरातमा शिवरुप धारण गरेकाले मध्यरातमा चतुर्दशी तिथि परेकै दिन पूजा,आराधना,दर्शन गरे यसलोकमा सुख शान्ति र परलोकमा सद्गति प्राप्त हुने शास्त्रीय वचन रहेको समितिका अध्यक्ष प्राध्यापक रामचन्द्र गौतम बताउँछन् ।

पशुपति क्षेत्रमा मेला भर्न आएका भक्तजनकोसुविधाका लागि आज बिहान ३ बजेदेखि नै पशुपतिका चार ढोका खुला गरिएको पशुपतिक्षेत्र विकास कोषका सदस्य सचिव प्रदीप ढकालले जानकारी दिए। पशुपतिमा दर्शनका लागि बाहिरी क्षेत्रबाट प्रवेश गर्ने पाँच वटा मूल लाइनकोव्यवस्था गरिएको कोषले जनाएको छ । भित्र प्रवेश गरेपछि भने १० वटासम्म लाइनकोव्यवस्था गरी दर्शनार्थी प्रवेश गरेको आधा घण्टामा फर्कने गरी बिहानको व्यवस्थापनगरिएको उनले बताए ।

मित्रपार्क तथा गौरीघाट भएर उमाकुण्ड–दक्षिणामूर्ति हुँदै रूद्रगाडेश्वर उत्तरढोका,जयवागेश्वरी–ईटापाखा भएर भुवनेश्वरीस्थित फलामको सानोढोका हुँदै पश्चिम ढोका, बत्तीसपुतली–गौशाला तथा एअरपोर्ट–तिलगङ्गा भएर पिङ्गलास्थान–सुमार्गी भवन हुँदै चार शिवालय–पञ्चदेवल दक्षिण ढोकाबाट एक/एक लाम गरी बाहिरी रुपमा दर्शन गर्नेव्यवस्था मिलाइएको सदस्य सचिव ढकालले जानकारी दिए । यसैगरी तिलगङ्गा राममन्दिरतर्फ समेत आवश्यकताअनुसारएक लामको व्यवस्था गर्न सकिने गरी व्यवस्थापन मिलाउन लागिएको उनले बताए । नित्यदर्शनार्थीका लागि बिहान ७ बजे अगावै भुवनेश्वरीस्थित फलामको सानो ढोकाबाटप्रवेशको व्यवस्था मिलाइएको थियो । जुन दर्शनमार्गबाट मन्दिर प्राङ्गण प्रवेशगरिन्छ सोहीमार्ग हुँदै मन्दिर प्राङगणबाट बाहिरिने व्यवस्था मिलाइएको छ । दर्शन गर्न आउने दर्शनार्थीको सवारीपार्किङका लागि सिफल, तिलगङ्गा, गुह्येश्वरी पारि,कोषको कार्यालय,वनकालीलगायतस्थानमा व्यवस्था मिलाइएको छ ।

आज पशुपतिनाथसँगै उपत्यकाका गोकर्णेश्‍वर,डोलेश्‍वरलगायतशिव मन्दिरमा पनि भक्तजनको भीड लागेको छ । यसैगरी राजधानी बाहिरका शिव मन्दिरमा पनिधुमधामका साथ पूजा आराधना एवं दर्शन गर्ने भक्तजनको घुइँचो लागेको छ ।महाशिवरात्रिका दिनमात्र यस वर्ष १० लाखभन्दा बढी दर्शनार्थीले पशुपति दर्शन गर्न सक्ने गरी व्यवस्थापन गरिएको छ ।

प्रतिक्रिया
पठाउनुहोस्
ADVERTISEMENT

भिसा थप्दा अनियमितता हुन्छ : बंगलादेशका विद्यार्थी

कान्तिपुर संवाददाता

काठमाडौँ — बंगलादेशमा चिकित्साशास्त्र अध्ययनरत नेपाली विद्यार्थीले भिसा थप गर्ने प्रक्रियामा अनियमितता हुने गरेको भन्दै परराष्ट्रमन्त्री प्रदीप ज्ञवालीको ध्यानाकर्षण गराएका छन् ।

बंगलादेशमा चिकित्साशास्त्रमा स्नातक (एमबीबीएस) को अध्ययन अवधि ६ वर्षको भए पनि नेपालीले प्रत्येक वर्ष शुल्क तिरेर विद्यार्थी भिसा एक्स्टेन्सन गर्नु परिरहेको उनीहरूको गुनासो छ। नेप्लिज मेडिकल स्टुडेन्ट एसोसिएसन, बंगलादेशले ढाका भ्रमणमा रहेका ज्ञवालीलाई बुधबार ध्यानाकर्षण पत्र बुझाएका हुन्।

एसोसिएसनका अध्यक्ष नवीन यादवका अनुसार बंगलादेशमा हाल पाँच हजारभन्दा बढी नेपाली विद्यार्थी चिकित्साशास्त्र अध्ययनरत छन्। बंगलादेशमा एकैपटक दुई वर्षको भिसाका लागि निवेदन दिन सकिने भए पनि नेपाली विद्यार्थीले भने हरेक वर्ष एक्स्टेन्सन गराउनुपर्ने बाध्यता छ। ‘दुई वर्षका लागि भिसा शुल्क तिरे पनि एक वर्षको मात्रै भिसा पाइन्छ,’ यादवले भने। उनका अनुसार विद्यार्थीले यो समस्याबारे ढाकास्थित नेपाली दूतावासलाई समेत जानकारी गराइसकेका छन्।

त्यसका साथै उनीहरूले बंगलादेश सरकारद्वारा दिइने छात्रवृत्ति पारदर्शी हुनुपर्ने माग गरेका छन्। सरकारले नेपाली विद्यार्थीका निम्ति बंगलादेशमा कुन संकायमा कति छात्रवृत्ति उपलब्ध गराउने गरेको छ, त्यसको प्रक्रिया र मापदण्ड पारदर्शी बनाउन सकेको छैन। ‘छात्रवृत्ति प्रक्रियाको पारदर्शी मापदण्डको अभावमा केही कन्सल्टेन्सी र बिचौलियाबाट नेपाली विद्यार्थी ठगिने गरेका छन्,’ यादवले भने। उनका अनुसार नेपाली विद्यार्थीहरू बंगलादेशका मेडिकल कलेजहरूको यथार्थ जानकारीको अभावका कारणसमेत कन्सल्टेन्सी र बिचौलियाबाट ठगिने गरेका छन्। बंगलादेशमा नेपाली विद्यार्थी भर्नाका लागि कलेजको मापदण्ड तोकिएको छैन।

प्रकाशित : फाल्गुन ९, २०७६ ११:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×