यसरी गरे सात मुख्यमन्त्रीले मतदान [तस्बिरहरु]

प्रदेश १ का मुख्यमन्त्री शेरधन राईले विराटनगर महानगरपालिकाको वीरेन्द्र सभागृह, प्रदेश २ का मुख्यमन्त्री लालबाबु राउतले जनकपुर उपमहानगरपालिकाको महेन्द्रनारायण निधि स्मृति भवन र वाग्मती प्रदेशका मुख्यमन्त्री डोरमणि पौडेलले ललितपुर महानगरपालिका–४ को वडा समिति भवनमा मत खसालेका छन् ।

राष्ट्रिय सभा सदस्य निर्वाचनअन्तर्गत बिहीबार गण्डकी प्रदेशको राजधानी पोखरामा मतदानमा सहभागी बन्दै प्रदेशका मुख्यमन्त्री पृथ्वीसुब्बा गुरुङ । तस्बिर : लालप्रसाद शर्मा, कान्तिपुर

त्यस्तै, गण्डकी प्रदेशका मुख्यमन्त्री पृथ्वीसुब्बा गुरुङले पोखरास्थित जिल्ला निर्वाचन कार्यालय परिसर, प्रदेश ५ का मुख्यमन्त्री शंकर पोखरेलले दाङ घोराहीस्थित कर्मचारी मिलन केन्द्र र कर्णाली प्रदेशका मुख्यमन्त्री महेन्द्रबहादुर शाहीले जिल्ला निर्वाचन कार्यालय सुर्खेत परिसर मतदान गरेका छन् भने सुदूरपश्चिम प्रदेशका मुख्यमन्त्री त्रिलोचन भट्टले डोटी सिलगढीस्थित पद्म पब्लिक मुक्तिनारायण माध्यमिक विद्यालय पुगी मतदान गरेका छन् । मतदानका लागि बिहान १० देखि दिउँसो ४ बजेसम्म समय तोकिएको छ ।