काठमाडौंमा छठको रौनक (फोटोफिचर)

तस्बिरहरु : सञ्जाेग मानन्धर

काठमाडौँ — छठ पर्व अन्तर्गत शनिबार साँझ अस्ताउँदो सूर्यलाई अर्घ्य दिइएको छ । छठ पर्वका पोखरी र जलासय लगायतका स्थान बेहुलीझै सिंगारिएको छ । मुलुकका विभिन्न स्थानका नदी र पोखरीमा जम्मा भएका श्रद्धालुहरुले समेत शनिबार साँझ सूर्यलाई अर्घ्य दिए ।छठको रौनकले तराईका जिल्लाका बजारदेखि ग्रामीण क्षेत्रको माहौल सिंगारिएको छ । काठमाडौंको कमलपोखरीमा पनि छठको रौनक देखिएको छ ।


प्रकाशित : कार्तिक १६, २०७६ १७:०९

छठको पुजाका लागि गहुँ र चामलको पिठोबाट विभिन्न गुलियो खाद्य सामग्री बनाइन्छ । अन्नबाहेक फलफूल, ठकुआ, भुसुवा, खजुरिया, पुरुकिया, पानी अंगुर तथा मुला, गाँजर, बेसारको गाँठो, ज्यामिर, नरिवल, सुन्तला, केरा, नाङ्गलो, कोनिया, ढाकी, माटोको हात्ती, ठूलो ढक्कीमा राखी परिवारका सम्पूर्ण सदस्य विभिन्न भक्ति एवम लोकगीत गाउँदै निर्धारित जलासयसम्म पुगेका थिए ।

सोहीअनुसार परिकारहरू जलाशयका किनारमा राख्नुअघि त्यसठाउँ र पूजा सामग्रीलाई व्रतालुले पाँचपटक साष्टाङ्क दण्डवत गरेका थिए । त्यस ठाउँलाई पवित्र पार्न परिवारका सदस्यले पहिले नै ‘अरिपन’ चित्र कोरेका हुन्छन् ।

त्यसपछि व्रतालुले सन्ध्याकालीन अर्घका लागि पानीमा पसेर सूर्य अस्ताउन्जेलसम्म आराधना गर्दै व्रतालुले दुवै हत्केलामा सिन्दुर र पिठार लगायर अक्षेता फूल हाली अन्य अर्घ्य सामग्री पालैपालो गरी अस्ताउँदो सूर्यलाई अर्पण गरेका छन् । भोलि आइतबार उदाउँदै गरेको सूर्यलाई अर्घ्य दिएपछि यसवर्षको छठ पर्व समाप्त भएको मानिन्छ ।

छठ व्रत बस्नाले छालासम्बन्धी रोगवाट मुक्त भइने, पारिवारिक सुख पाइँने, श्रीमान र बालबालिकाको स्वास्थ्यलाभ तथा पुत्र लाभ हुने तथा दु:ख र दरिद्रताबाट मुक्त हुने जनविश्वास रहिआएको छ ।

विगतमा मिथिलाञ्चलमा मात्र मनाइने छठ पछिल्लो समय राजधानी काठमाडौंसहित मुलुकको बिभिन्न भागमा श्रद्धापूर्वक मनाइँदै आइएको छ । जसले गर्दा फरकफरक समुदायलाई छठपर्वले एउटै सूत्रमा बाँध्न मद्दत पुर्‍याएको मैथिली संस्कृतिका जानकारहरु बताउँछन् ।

प्रतिक्रिया
पठाउनुहोस्
ADVERTISEMENT

अस्ताउँदो सूर्यलाई अर्घ्य (तस्बिरहरु)

सन्तोष सिंह

धनुषा — छठ पर्व अन्तर्गत शनिबार साँझ अस्ताउँदो सूर्यलाई अर्घ्य दिइएको छ । जनकपुरमा छठ पर्वका पोखरी र जलासय लगायतका स्थान बेहुलीझै सिंगारिएको छ । जिल्लाका विभिन्न स्थानका नदी र पोखरीमा जम्मा भएका श्रद्धालुहरुले समेत शनिबार साँझ सूर्यलाई अर्घ्य दिए । जनकपुरको गंगासागर लगायत जिल्लाका विभिन्न स्थानका जलासय सिँगारिएको छ ।


प्रकाशित : कार्तिक १६, २०७६ १६:४९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×