तलाउमा छठको चहलपहल [तस्बिरहरु]

सन्तोष सिंह

(जनकपुर) — जनकपुरमा छठको प्रसादले पोखरी, तलाउ सजिएको छ । शनिबार बिहानैदेखि ब्रतालुहरु छठको अर्घ दिइने परिकार र पूजा सामग्री खाली खुट्ट बोकेर छठ घाटमा ल्याइएको छ । शनिबार साँझ दिइने अर्घका लागि बिहानैदेखि तयारी थालिएको छ ।जनकपुरको गंगासागर, धनुषसागर, अरगजा पोखरी, दशरथ तलाउ, अग्निकुण्डा लगायत दर्जनौं पोखरीमा शनिबार बिहानैदेखि भीड छ । छठ पूजा गर्न एक दुई दिन अगावै पूजा समितिलाई शुल्क बुझाएर रसिद लिएका ब्रतालुहरु पोखरीको आकर्षक स्थान सुनिश्चित गर्न बिहानै घाटमा पुगेको हो । जनकपुरमा छठ हेर्न बाहृय पर्यटकको भीड लागेको छ । यहाँको होटलहरु पर्यटकले भरेको छ ।

प्रकाशित : कार्तिक १६, २०७६ ०९:०९

चार दिवसीय छठअर्न्तगत आज अस्ताउँदो सूर्यलाई अर्घ दिइने छ । आइतबार उदाउँदो सूर्यलाई अर्घ दिएर छठ समापन हुने छ । छठ पर्वका लागि पूजा सामग्री र नैवेद्य तयार गर्दा अत्यन्त सावधानीका साथ ख्याल गर्नुपर्छ । पर्वमा ढिकी–जाातोमा परम्परागत तरिकाले कुटिएको र पिसिएको गहुँ तथा चामलको पीठोबाट बनाइएका ठकुवा, भुसुवा, मिष्टान्न परिकार, माटोको भाँडामा जमाइएको दही, उखु, मौसम अनुसारका फलफूल, कोसिया कुरवार लगायतका पूजा सामग्रीहरुले सूर्यलाई अर्घ दिने प्रचलन छ ।

निर्धनता र निःसन्तानबाट मुक्ति पाउन एवम् मानव जातिको उत्थान गर्न र आरोग्यका लागि यो पर्व मनाउने विश्वास छ । सूर्यको आराधनाबाट चर्मरोग निको हुने, सन्तान र धनलाभ हुने जनविश्वास छ । आरोग्य र दीर्घायुसँग जोडिएको छठ पर्व मनाउनुको पछाडि धार्मिक मान्यतासँगै वैज्ञानिक र ज्योतिषसम्बन्धी तथ्यहरू पनि पाइन्छ । मिथिला लोकसंस्कृतिको अभिन्न अङ्ग बनिसकेको छठका लागि नदी, तलाउ र कुण्डसहितका जलाशयहरु मनमोहक ढङ्गले सिङ्गारिएको छ ।

ADVERTISEMENT
प्रतिक्रिया
पठाउनुहोस्

मोबाइल नेटवर्क नदिँदा रामेछाप बिर्तावासीलाई सास्ती

कान्तिपुर संवाददाता

रामेछाप — जिल्लाको धोवी र खिम्तीको बिर्ता क्षेत्रमा सहज सञ्चार सुविधा नहुँदा स्थानीयले कठिनाई झेल्नु परेको छ । ल्यान्डलाइन फोन सेवा नभएको उक्त क्षेत्रमा घाम लागे मात्र मोबाइलको टावर टिप्ने गरेकोले स्थानीयले सास्ती व्यहोर्नु परेको हो ।

'विर्ताबाट फोन सम्पर्क हुनु भनेको भाग्यको कुरा हो' खिम्ती बिर्ताका चक्रबहादुर श्रेष्ठले भने, 'गिद्धे र धोवी क्षेत्रमा कुहिरो देखिएपछि फोन बन्द हुन्छ ।' उनका अनुसार विर्ता, गैरी, केउरीनी क्षेत्रका बासिन्दा गाउँभन्दा केही टाढाको ज्यामिरेखानी डाँडामा पुगेर फोन सम्पर्क गर्न बाध्य छन् । धोवी बजारमा समेत टेलिफोन सम्पर्क गर्न सकिँदैन । धोवी बजारमा नेटवर्क समस्याले बैंक तथा वित्तीय संस्थाको काम समेत प्रभावित हुने गरेको छ ।

नेपाल टेलिकमले राखेको गिद्धे रिपिटर स्टेशनमा विद्युत् सेवा पुगेको छैन । उक्त टावर सञ्चालनका लागि सोलार राखिएको छ । विद्युत्‌का कारण टेलिफोन सञ्चालन नभएको भने हैन । टावरमा इन्धन सहितको जेनेरेटर रहेकोले विद्युत् नहुँदैमा सेवा अवरुद्ध हुँदैन । टेलिकम मन्थली शाखाका प्रदिप कार्की भन्छन् – 'गिद्धेको रिपीटरमा धेरै लोड भएका कारण समय-समयमा टेलिफोन सम्पर्क हुन गाह्रो भएको हो ।'
कार्कीका अनुसार धोवी क्षेत्रमा ल्याण्डलाईन फोन विस्तार गर्ने योजना अघि सारिएको छ । त्यसपछि त्यस क्षेत्रमा देखा परेको समस्या कम भएर जाने छ । यसअघि दुरागाउँमा रिपिटर स्थापना गरेकाले केही सहज भएको उनले बताए ।

प्रकाशित : कार्तिक १६, २०७६ ०८:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×