विराटनगरमा दसैंको चहलपहल [फोटोफिचर]

शब्द/तस्बिर : जितेन्द्र साह

विराटनगर — धुम्म परेको मौसम । बीचबीचमा झरी । ओहोरदोहोर गर्नै कठिन हुने निर्माणाधीन बाटो । तर, दसैं मनाउनेको उत्साहमा कुनै कमी आएको छैन । झिसमिसेदेखि मेला लाग्छ भने मठमन्दिर एवं सडकमा चहलपहल सुरु हुन्छ । मुलुककै दोस्रो ठूलो सहर विराटनगरको मन छुने दृश्यहरु हुन् यी ।

प्रकाशित : आश्विन १९, २०७६ १०:०१

हुन त, उसै पनि यो सहरवासी धार्मिक, सांस्कृतिक र सामाजिक स्वभावका छन् । हरेक दिन सरसफाइ तथा ईश्वरकै आराधनाबाट दिनको सुरुआत गर्छन् । दसैं, तिहार र छठजस्ता चाडबाडको त झनै तन, मन एवं धनले स्वागत गर्छन् । सहरको साजसज्जामा कुनै कसर राख्दैनन् । घटस्थापनादेखि आरम्भ हुने चहलपहल सप्तमीदेखि उत्कर्षमा पुग्छ भने एकादशीसम्मै कायम रहन्छ ।

प्रतिक्रिया
पठाउनुहोस्

वरिष्ठ पत्रकार राजेन्द्रदेव आचार्यको निधन

रासस

काठमाडौँ — वरिष्ठ पत्रकार राजेन्द्रदेव आचार्यको कलेजोमा देखिएको खराबीका कारण आइतबार ६१ वर्षको उमेरमा निधन भएको छ ।

दुई दशकसम्म नेपाल टेलिभिजनको समाचार प्रमुख भई नायब महाप्रबन्धकबाट अवकाशप्राप्त उनी हाल न्यूज–२४ को समाचार प्रमुख थिए । उपचारका क्रममा थापाथलीस्थित नर्भिक अस्पतालमा निधन भएका आचार्यको आइतबार नै पशुपति आर्यघाटमा अन्त्येष्टि गरिने छ ।

पत्रकारिता अध्यापन, पुस्तक लेखनमा समेत क्रियाशील आचार्यको ‘चिन्तन मनन’ टेलिभिजन कार्यक्रम लोकप्रिय थियो । उनका श्रीमती, एक छोरी छन् ।

प्रकाशित : आश्विन १९, २०७६ ०९:०२
पूरा पढ्नुहोस्
प्रतिक्रिया
पठाउनुहोस्