वाग्मतीमा र्‍याफ्टिङ [तस्बिरहरु]

तस्बिर : केशव थापा

काठमाडौँ — वाग्मती सरसफाई अभियान अन्तर्गत शनिबार वाग्मती नदीमा र्‍याफ्टिङको गरिएको छ । शनिबार बिहान साढे ७ बजे ललितपुरको कुपन्डोलबाट सुरु भएको र्‍याफ्टिङ करिव १० बजे चोभर पुगेर सम्पन्न भएको थियो। कुपोन्डोलमा वाग्मती सरसफाई गरी र्‍याफ्टिङ सुरु गरिएको थियो । वाग्मती सरसफाई अभियान ३२९ हप्तामा पुगेको छ। हेरौं वाग्मतीमा र्‍याफ्टिङ ।

प्रकाशित : भाद्र १४, २०७६ ११:३६

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

हतियारधारी समूहद्वारा लुटपाट

रवीन्द्र उप्रेती

महोत्तरी — मनरा सिसवा नगरपालिका ३ सुनौलमा हतियारधारी समूहले दुई परिवारको घरबाट लाखौंको धनमाल लुटेका छन् । डाँकाको आक्रमणबाट एक जना घाइते छन् । 

शनिबार मध्यरातमा ८/९ जनाको संख्यामा घरेलु हतियारसहित आएको समूहले परिवारलाई नियन्त्रणमा लिई आफूखसी लुटपाट गरेको पीडितले जनाएका छन् । डाँका समूहले सुरुमा रामलोचन राउतको घरमा प्रवेश गरी लुटपाट गरेका थिए । प्रतिकारमा उत्रेका घरमूली राउतमाथि समूहले बन्चोर प्रहार गर्दा उनको बायाँ खुट्टामा गहिरो घाउ लागेको छ ।

लगत्तै छिमेकी सियारामशरण राउतको घरमा प्रवेश गरी लुटपाट मच्चाएका थिए । घटनाबारे जानकारीपछि गाउलेहरु प्रतिकारमा उत्रेपछि डाँका समूह धनमाल लिएर भागेको प्रत्यक्षदर्शीले बताए । स्थानीय देवेन्द्र यादवकाअनुसार १५/२० मिनेटभित्रै समूह लुटपाट गरेर भागी सकेका थिए ।

२ लाख ५० हजार नगद , ६ तोला सुन र ६० तोला चाँदीका गहनालगायत १० लाख बढीको धनमाल लुटेको दुवै पीडितले जनाएका छन् ।

स्थानियकाअनुसार इटहरवाकट्टी र बलवास्थित चौकीबाट राति नै प्रहरी घटनास्थल पुग्दा डाँकाहरु भागिसकेका थिए । घटनाबारे विस्तृत बुझ्ने काम भइरहेको प्रहरी उपरीक्षक श्यामकृष्ण अधिकारीले बताए ।

प्रकाशित : भाद्र १४, २०७६ ११:१३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×