जामको सास्ती: कहिले बन्ला अरुण खोलाको पुल ? (तस्बिरहरु)

कान्तिपुर संवाददाता

नवलपरासी — पूर्वी नवलपरासीस्थित अरुण खोला पुल भाँचिएका कारण बनाइएको डाइभर्सन बाढिका कारण फेरि महेन्द्रराजमार्गमा यातायात अवरुद्ध भएपछि यात्रुले सास्ती खेप्नु परेको छ । लामो दुरीको सवारीहरु घन्टौँजाममा बस्नुपर्दा यात्रुहरु समस्या परेका छन् । अरुण खोलमा पानीको सतह बढेपछि डाइभर्सन गरी बनाइएको कच्ची सडकभन्दा माथिबाट पानीको भेल बगेका कारण यातायात अवरुद्ध भएको हो ।अरुणखोला भन्दा माथिल्लो गाउँमा पानी परेका कारण खोलामा एक्कासी आएको बाढी कारण राजमार्ग अवरुद्ध हुँदा सयौ गाडी अरुणखोलामा रोकिएका छन् ।

प्रकाशित : भाद्र २, २०७६ २१:२९

प्रतिक्रिया
पठाउनुहोस्

सँगै खाजा खाने पनि थुनामा 

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले घूसको कारोबार गर्नेहरूसँग खाजा खाएका दुई प्रहरीलाई समेत भ्रष्टाचार आरोपमा छानबिन गरेको छ । सवारी दुर्घटनाको प्रहरी प्रतिवेदन बनाइदिने बहानामा घूस माग्न गएका दुई प्रहरीका साथमा अन्य दुई जना पनि सामेल थिए । उनीहरू खाजा खाँदै गर्दा समातिएका हुन् । 

प्रतिकात्मक तस्बिर ।

‘घूसको लेनदेन हुँदा घटनास्थलबाट चार जनालाई नियन्त्रणमा लिइएको थियो,’ अख्तियारका प्रवक्ता प्रदीप कोइरालाले कान्तिपुरसित भने, ‘पछि अनुसन्धान हुँदा दुई जना प्रत्यक्ष सामेल नभएकाले मतियार भएको भेटियो । अनुसन्धानमा सहयोग गरेको हुनाले उनीहरूलाई सजायको मागदाबी नगरी मुद्दा दायर भएको हो ।’

अख्तियारले महानगरीय ट्राफिक प्रहरी नयाँ बसपार्कका जवान देवेन्द्र बलायर, आकाश खनाल, नीरज भण्डारी र हिटलर साउदलाई एक लाख घूससहित पक्राउ गरेको थियो ।

तीमध्येका आकाश खनाल र नीरज भण्डारीले घूस लिएको नभेटिएको तर घूस खानेको मतियार देखिएको निष्कर्ष निकाल्दै अख्तियारले अनुसन्धानमा सहयोग गरेकाले मुद्दा नचलाई सजाय मागदाबीमा छुट दिइएको जनाएको हो । अनुसन्धान अवधिभर भने उनीहरू थुनामा परेका थिए ।

प्रकाशित : भाद्र २, २०७६ २१:०९
पूरा पढ्नुहोस्
प्रतिक्रिया
पठाउनुहोस्