भक्तपुरमा दिवंगतको सम्झनामा ताहामचा [तस्बिरहरु]

लीला श्रेष्ठ, तस्बिर : अंगद ढकाल

भक्तपुर — उपत्यकामा मनाइने गाईजात्रा मध्ये भक्तपुरको जात्रा पृथक, मनोरञ्जनात्मक एवं व्यङ्ग्यात्मक हुने र ‘घिन्तात्वाङ, गिनित्वाङ घ्यान्ताङ घिसिङ त्वाङ, ताहामचा गना ते ग्वाङखङ् प्वाले ते, ग्वाङ प्वाले मन्ह्यसा खुसिङ चुइक छोय’, भनेर नाचिने आकर्षक घिन्ताङ घिसी नाचको बढी चर्चा हुने गरेको छ ।


प्रकाशित : श्रावण ३१, २०७६ १८:४२

गाईजात्रा मनाए मृत आत्माले मोक्ष प्राप्त गरुन्, गाईको पुच्छर समातेर बैतर्णी तर्दै स्वर्ग जाउनु भन्ने उद्देश्यले प्रत्येक वर्ष श्रावण शुक्ल प्रतिपदाका दिनदेखि श्रीकृष्ण जन्माष्टमीसम्म गाईजात्रा मनाउने मान्यता छ ।हिन्दू धर्मग्रन्थ उल्लेख भए अनुसार यमलोकको मुख्यढोका वर्षभरि बन्द रहने र मर्त्यलोक अर्थात पृथ्वीलोकमा गाईजात्रा निकाले पछि यमलोकको ढोका खुल्छ भन्ने मान्यतालाई अंगाल्दै गाईजात्रा मनाउने गरेको स्थानीय बताउँछन् ।

प्रतिक्रिया
पठाउनुहोस्

प्रदेश २ सरकार र रोजगारदाता कम्पनीबीच सम्झौता

अजित तिवारी

(जनकपुर) — तीन वर्षमा ४२ हजार युवाले रोजगारी पाउने दाबी गर्दै प्रदेश २ सरकारसँग ६ वटा रोजगारदाता कम्पनीसित सम्झौता गरेका छन् । प्रदेश सरकार, डिफिड र सेवा प्रदायक ६ वटा संस्थाले शुक्रबार जनकपुरमा रोजगारीका लागि सम्झौतापत्रमा हस्ताक्षर गरेका हुन् । 

प्रदेशमा रहेको बेरोजगारी समस्या हटाउन प्रदेश सरकारले पहिलो चरणमा ६ वटा संस्था प्रभु बैंक, नेपाल एसबीआई बैंक, मेरो जब्स, एमाजोन, फयूज मेसिन र मोरंग अटो वर्क्ससँग रोजगारीका लागि सम्झौता गरेको मुख्यमन्त्री कार्यालयको विज्ञप्तिमा उल्लेख छ । सम्झौता अनुसार बेरोजगार युवाहरुलाई सीप प्रदान गर्दै रोजगारी उपलब्ध गराइनेछ ।

मुख्यमन्त्री लालबाबु राउत, सीप कार्यक्रमका टिम लिडर बलजित बोहरा र सेवा प्रदायक संस्थाका प्रतिनिधिहरुले छुट्टाछुट्टै सम्झौता पत्रमा हस्ताक्षर गरेका हुन् । यो कार्यक्रम वैदेशिक रोजगारीमा जाने युवा तथा गरिब, दलित, महिलालाई लक्षित गरि सञ्चालन गरिने मुख्यमन्त्री राउतले बताए ।

मुख्यमन्त्री राउतले एक वर्षको प्रयासपछि रोजगारी सिर्जनाको क्षेत्रमा प्रदेश सरकार एक कदम अगाडि बढेको बताएका छन् ।

प्रकाशित : श्रावण ३१, २०७६ १८:३१
पूरा पढ्नुहोस्
प्रतिक्रिया
पठाउनुहोस्