त्रिशूली बस दुर्घटना : उद्धारका तस्बिरहरु 

हरिहरसिंह राठौर

धादिङ — सर्लाही सदरमुकाम मलंगवाबाट ४५ यात्रु लिएर काठमाडौं जाँदै गरेको बस धादिङको बेनीघाट रोराङ–३ सलाङघाटस्थित त्रिशूली नदीमा खस्दा ५ जनाको मृत्यु भएको छ । १६ जना घाइते छन् भने २६ जना बेपत्ता छन् ।


प्रकाशित : श्रावण २४, २०७६ २०:४७

मृतकमध्ये सर्लाहीका अजय दास र विजय कुर्मीको मात्रै सनाखत हुन सकेको छ । मुग्लिन, जुगेडीमा एउटा, कृष्णभीरमा एउटा र तनहुँको देवघाट, गोरखातर्फको किनारमा थप २ शव फेला परे पनि सोही बसका यात्रु भए/नभएको यकिन नभएको प्रहरीले जनाएको छ । फेला परेका ५ शवको सनाखत हुन नसकेको घटनास्थलमै पुगेका धादिङका प्रमुख जिल्ला अधिकारी भगीरथ पाण्डेयले बताए ।

ना६ख ७४६९ नम्बरको सृष्टि डिलक्स शुक्रबार बिहान साढे ३ बजे दुर्घटनामा परेको हो । बसमा मलङ्गवाबाट ४०, सर्लाहीको हरिपुर नगरपालिकाबाट दुई यात्रु चढेको र बसका तीन कर्मचारी रहेको जिल्ला प्रहरी सर्लाहीले जानकारी दिएको थियो । घाइतेका अनुसार सर्लाहीको हरिवनसम्म सवारी धनी आफैंले बस चलाएर हरिवनकै पेट्रोलपम्पमा तेल हालेपछि भने चालक जीवन विकले चलाएका थिए ।

प्रतिक्रिया
पठाउनुहोस्

गोरखामा जनजातिको र्‍याली

हरिराम उप्रेती

गोरखा — विश्व आदिवासी दिवस यहाँ विविध कार्यक्रम गरी मनाइयो । जनजाति समुदायले आफ्ना भेषभुषासहित र्‍याली निकाले । कौरा, धिमे बाजा, सोरठी, पाउदुरे, मारुनी, स्यार्गा, तामाङ सेलो लगायतका नाच प्रस्तुत गरे ।

यस्ता कार्यक्रमले लोप हुन लागेका संस्कृति संरक्षणमा टेवा पुगेको आदिवासी जनजाति महासंघ जिल्ला समन्वय परिषद्‌का अध्यक्ष विष्णु राना बताउँछन् । ‘संस्कृतिको संरक्षण त हुने नै भयो’ उनले भने,‘पुस्ता हस्तान्तरणमा यसले टेवा पुर्‍याएको छ, आफ्नो कल्चरलाई नियाल्दै अनुशरण गर्ने अवसर पछिल्ला पुस्तालाई पनि मिल्छ ।’

लोप हुन लागेका संस्कार र आफ्ना संस्कृति संरक्षणमा पछिल्लो समय चासो बढेको उनले बताए । ‘जातिविशेषले मात्र होइन सम्पदा र संस्कृतिलाई गहनाको रुपमा लिएर संरक्षणमा राज्यस्तरबाटै पहल हुनुपर्छ,’ उनले भने । २५ औँ विश्व आदिवासी दिवसको अवसरमा यहाँ कार्यरत रहेका अधिकृत र उपसचिवलाई सम्मान गरिएको छ । वक्ताहरुले भाषा, संस्कार, संस्कृति भेषभुषा जोगाउन पहिचान स्थापित हुने बताए ।




प्रकाशित : श्रावण २४, २०७६ २०:२३
पूरा पढ्नुहोस्
प्रतिक्रिया
पठाउनुहोस्