खोटाङमा यसरी मनाइयो धान दिवस (तस्बिरहरु)

डम्बरसिं राई

खोटाङ — दिक्तेल रुपाकोट मझुवागढी नगरपालिका–१ कोलेबारीमा १६ औं धान दिवस मनाइएको छ । दिक्तेल रुपाकोट मझुवागढी नगरपालिका र कोलेबारी कृषि सहकारी संस्थाको संयुक्त आयोजनामा धान दिवस मनाइएको हो ।

धान दिवसमा दिक्तेल रुपाकोट मझुवागढी नगरपालिकाका प्रमुख दीपनारायण रिजाल, उपप्रमुख विणादेवी राई लगायतका विभिन्न कार्यालय प्रमुखहरु सहभागी भएका थिए । नगरप्रमुख रिजालले जोत्नुका साथै धान रोपेर दिवस मनाएका हुन् । नगर उपप्रमुख राईले धान रोप्नुका साथै हिलो खेलेर रमाइलो गरिन् ।

असारे भाकाको साथमा बालबालिकादेखि तन्नेरी र पाकाहरु समेत रमाएका छन् । यो वर्ष लामो खडेरीले धान रोपाइ प्रभावित भएकाले धान रोपाइ हुन सकेको छैन । कृषि ज्ञान केन्द्र खोटाङका प्रमुख हरिनारायण राईका अनुसार यो वर्ष १० प्रतिशत मात्र धान रोपिएको छ । जिल्लामा १२ हजार आठ सय ९८ हेक्टरमा धान खेती गरिन्छ ।

दिक्तेल रुपाकोट मझुवागढी नगरपालिकाले अर्गानिक अभियान सुरु गरेकाले रसायनिक मल भन्दा कम्पोष्ट मल प्रयोग गर्न नगरप्रमुख रिजालले अनुरोध गरे । ‘नगरक्षेत्र अर्गानिक बन्ने भएकाले रसायनिक मललाई विस्थापित गर्दै कम्पोष्ट मल प्रयोगमा जोड दिनुपर्छ ।’ नगरपप्रमुख रिजालले भने,‘यसका लागि कम्पोष्ट मल उत्पादनको चरणमा पुगेको छ ।’ नगरप्रमुख रिजालले थपे,‘अब पाँच वर्षभित्र नगरपालिका पूर्ण रुपमा अर्गानिक हुने छ ।’

दिवसकै अवसरमा कोलेबारी कृषि सहकारी संस्थालाई नगरप्रमुख रिजालले कृषि आधुनिक औजार हस्तान्तरण गरेका छन् । कम्माइन मेसिन (धान, मकै, कोदो पिस्ने), कन्सिलर मिसिन (मकै छोडाउने), ओइडिङ मेसिन (जोख्ने) र पावर टिलर (जोत्ने) हस्तान्तरण गरेका हुन् ।

प्रकाशित : असार १५, २०७६ १९:१६
प्रतिक्रिया
पठाउनुहोस्

‘तीन तहबीच समन्वय जरुरी’

कान्तिपुर संवाददाता

सुनसरी — मुख्यमन्त्री शेरधन राईले संघीय प्रणालीमा स्थानीय, प्रदेश र संघीय सरकारबीच समन्वयले मात्र समृद्ध हासिल हुने बताएका छन् । उनले तीन तहको सरकारले आफूखुसी गर्न थाले एकापसमा विश्वास टुट्ने बताए । 

प्रदेश १ को ट्राफिक प्रहरी कार्यालयले धरानमा आयोजना गरेको बृहत सडक सभ्यता अभिवृद्धि एवं सवारी दुर्घटना न्यूनीकरणसम्बन्धी ट्राफिक प्रहरी तथा सरोकारवाला निकायको भेलामा राईले प्रदेश सरकारले संघीय प्रणालीलाई गति दिन चाहेर पनि संघीयताका लागि आवश्यक पूर्वाधार निर्माणाधीन अवस्थामा रहेकाले केही सुस्त देखिएको बताए ।

प्रदेश ट्राफिक प्रहरी कार्यालयका प्रमुख एसपी भीमबहादुर दाहालले सडक दुर्घटना कम गर्न सबै सरोकारवालाको भूमिका, सहकार्य र समन्वयको खाँचो रहेको बताए ।

प्रकाशित : असार १५, २०७६ १८:५८
पूरा पढ्नुहोस्
प्रतिक्रिया
पठाउनुहोस्
×