काेरियाली भाषा परीक्षा आज र भाेलि

तस्बिर : अनिस रेग्मी

काठमाडौँ — रोजगार अनुमति प्रणाली (इपिएस) अन्तर्गत सन् २०१९ को कोरियाली भाषा परीक्षा आजबाट सुरु भएकाे छ । शनिबार र आइतबार हुने परीक्षामा ९२ हजार परिक्षार्थी सहभागी हुन लागेका छन् । इपिएस कोरिया शाखाका अनुसार काठमाडौंमा २१, ललितपुरमा ७ र पोखरामा ४ वटा परीक्षा केन्द्र तोकिएका छन् ।

प्रकाशित : जेष्ठ २५, २०७६ ०९:२९
काठमाडाैंकाे भीएस निकेतन केन्द्रबाट काेरियाली भाषा परीक्षा दिन लाइन बसेकाहरु । तस्बिर अनिस रेग्मी । कान्तिपुर

प्रतिक्रिया
पठाउनुहोस्

चीनमा ड्रागन डुंगा

लक्ष्मी लम्साल

बेइजिङ — परम्परागत संस्कृति र सभ्यताको पुनरूत्थानमा क्रियाशील चीनले शुक्रबार ‘तुआनवुच्ये’ अर्थात् ड्रागन बोट फेस्टिभल मनाएको छ । ईशापूर्व ४७५–२२१ का प्रसिद्ध कवि तथा कूटनीतिज्ञ छ्वी युआनको सम्झनामा विशेष खानेकुरा खाँदै डुंगा खियाउने मुख्य गतिविधिसहित यो पर्व मनाउने गरिन्छ ।

चीनको ग्वाङझाउमा आयोजित ॅड्रागन बोट फेस्टिभल’ मा सहभागी डुंगा ।  तस्बिर : रोयटर्स

किम्वदन्तीअनुसार तत्कालीन चीनका विभिन्न राज्यबीचमा निरन्तर युद्ध भइरहन्थ्यो । छिन् र छ्वी राज्य निकै शक्तिशाली रहेका बेला कवि युआन छ्वी राज्यका उच्च पदाधिकारी थिए ।

चीनको प्राचीन साहित्य इतिहासमा युआनले आफ्नो राजनीतिक संकल्प, नेताहरूको विवेकशील, न्यायोचिन र निःस्वार्थ नीति, प्रकृति, भूगोल समेटिएका विभिन्न कविता लेखेका छन् । छ्वी राज्य आन्तरिक मामिला र कूटनीतिक क्षेत्रमा गम्भीर मतभेदमा फसेपछि कवि युआनमाथि राजनेताले विश्वास गर्न छोडे । यसको फाइदा उठाउँदै ईशापूर्व २७८ मा छिन् राज्यका सेनाले छ्वी राज्यमाथि नियन्त्रण जमाए ।

आफ्नो राज्यको अस्तित्व मेटिएको देख्न नसकी कवि तथा कूटनीतिज्ञ छ्वी युआनले नदीमा हामफालेर देहत्याग गरे । देशभक्त कवि युआनले मातृभूमि शत्रु राज्यमा गाभिएपछि ‘मि लो च्याङ’ मा डुबेर प्राण त्यागेको दिन उनको कदर गर्दै बर्सेनि बाँसका टुक्रामा प्वाल पारी चामल राखेर नदीमा बगाउन थालियो ।

त्यो प्रचलन परिष्कृत कविको खोजी गर्न डुंगा प्रतियोगिता गर्ने तथा जलचरबाट कविको शरीर जोगाउन विभिन्न खानेकुरा बगाउने गरिएको हो । कविलाई बचाउन त्यति बेला मानिसले नदीमा डुंगा चलाएका थिए भन्ने मान्यताका आधारमा हाल चिनियाँहरू ड्रागन बोट प्रतियोगिता गर्ने गर्दछन् ।

प्रतियोगितामा कुनै कुनै ठाउँमा दर्जनौंको संख्यामा डुंगाहरूले भाग लिन्छन् र निकै रोचक तथा मनमोहक दृश्य देखिन्छ । डुंगाको अगाडिको भागमा नागको टाउको जडान गरिनुका साथै झ्याली, डम्फु र नगराको आवाज घन्काएर डुंगाबाजहरू प्रतियोगिता जित्न तँछाडमछाड गर्छन् ।

प्रकाशित : जेष्ठ २५, २०७६ ०८:४२
पूरा पढ्नुहोस्
प्रतिक्रिया
पठाउनुहोस्