यसरी मनाइयो सुनसरीमा इद उल फित्र [फोटोफिचर]

वर्षभरि आर्जन गरिएको रकमबाट निर्धारित रकम जाकातको रुपमा असहायमा वितरण गर्ने र विगतका तिता कुरा बिर्सेर एक आपसमा भाइचाराको सम्बन्ध स्थापित गर्ने यो पर्वको खास महत्व रहेको छ । जाकत, फितराको निकासा गरी वार्षिक कारोबारलाई शुद्धि गर्दै गरिन्छ । इदमा नया लुगा लगाउने, मासुका विभिन्न परिकार र सेवई खाने चलन छ ।

हरिनगर गाउँपालिकाका अध्यक्ष गफार अन्सारीले मानिसभित्र इन्सानियत जगाउने र विश्वबन्धुत्वको भावना फैल्याउन यो पर्वले ठूलो सहयोग गर्ने बताए । उनले नेपालको सबैभन्दा ठूलो भुटाहा इदगाहमा एकै पटक दस हजारभन्दा बढीले बुधबार बिहान नमाज पढेको बताए । सुनसरीको इनरुवा, भुटाहा, जल्पापुर, भोक्राहा, पकली, कोसी गाउँपालिका, इटहरी लगायत क्षेत्रमा समेत इद उल फित्रको बिहान नमाज पढेर मनाइयो ।