सदरमुकाम माग्दै ज्ञापनपत्र बुझाउन हिँडेकाको लस्कर [फोटोफिचर]

२०७४ साल माघ ११ गतेको सरकारले जिल्लाको स्थायी सदरमुकाम गोल्खाडा कायम गर्ने निर्णय गरेपछि रुकुमकोट पक्षधर निर्णयको विरोधमा लागेका थिए भने गोल्खाडा पक्षधर निर्णयको पक्षमा लागेर खुसी मनाएका थिए । सरकारको निर्णय खारेजीको माग गर्दै सर्वोच्चमा रिट दायर भएपटि उक्त मुद्दा हाल विचाराधिन छ । मुद्दाको पेसी यही माघ २७ गते तोकिएको छ । उक्त पेसी तोकिएको दिन नजिकिँदै जाँदा दुवै पक्षले दबाबमूलक कार्यक्रम गरिरहेका छन् । यसै सन्दर्भमा रुकुम पूर्वको स्थायी सदरमुकाम गोल्खाडा स्थापनार्थ सरोकार समितिले बुधबार सरकारको निर्णय कार्यान्वयन गर्न दवाव दिन भन्दै प्रमुख जिल्ला अधिकारी मित्रलाल शर्मालाई ज्ञापन पत्र बुझाउन कार्यक्रम बनायो । ज्ञापन पत्र बुझाउन महिला, बालबालिका तथा वृद्धवृद्धा पनि सहभागी थिए । हेरौं ज्ञापन पत्र बुझाउन लाइन लागेर रुकुमकोटतर्फ आइरहेका गोल्खाडा पक्षधरका केही तस्बिर ।