बढ्दो छ लुम्बिनीको आकर्षण [फोटोफिचर]

शब्द/तस्बिर : हरिहरसिंह राठाैर

लुम्विनी — लुम्विनी, बुद्ध धर्मावलम्बीहरुको लागि आस्थाको केन्द्र । यहाँ वार्षिक आन्तरिक र वाह्य गरि १६ लाखको हाराहारीमा पर्यटक आउने गर्छन् । 

गत जनवरीदेखि मात्र भारतीय ९९ हजार भन्दा बढी, नेपाली ७ लाख भन्दा बढी र अन्य तेस्रो मुलुकका पर्यटक डेढ लाख भन्दा बढीले भगवान वुद्धको जन्मस्थल र वुद्धसंग जोडिएका नवलपरासी र कपिलवस्तुका वौद्ध धामहरुको अवलोकन गरि सकेका छन् । ‘यो संख्या मंसिर अन्त सम्म १५/१६ लाखको हाराहारीमा पुग्छ’ लुम्विनी विकास कोषका अधिकारीहरु भन्छन् । 

विभिन्न छलफल र अनुसन्धान पछि नेपाल सरकारले सन १९७२ देखि जापानी प्राध्यापक विज्ञ केन्जो टाँगेको नेतृत्वमा लुम्विनीको वृहत गुरुयोजनाको आरम्भ गरि १९७८ मा उक्त गुरुयोजनालाई स्वीकृत गरेको थियो । गुरुयोजनाका अध्येताले नेपाल सरकारलाई पाँच ट्रक दस्तावेजहरु हस्तातरण गरेका थिए । तत्कालिन अवस्थामा त्यस भेकका ७ वटा गाउँलाई अधिकरण गरि ११ सय ५५ विगाह क्षेत्रफलमा लुम्विनीलाई विश्व सम्पदाका रुपमा विकास गर्न १९८५ मा समिती वाट स्वायत्त कोषका रुपमा परिणत गरियो । 

लुम्बिनी र गौतम वुद्धसँग सरोकार राख्ने माईती, मावली, जन्मस्थललगायतका तिलौराकोट, कुदान, गोटिहवा, निग्लिहवा, सग्रहवा, अरौराकोट, तिलौराकोट, कुदान गोटिहवा, निग्लिहवा, सग्रहवा, अरौराकोटलाई वौद्ध दर्शन सँग जोडेर विसम्पदा सूचीमा राखिएकोछ । गुरुयोजना पछि लुम्विनी क्षेत्रमा वौद्ध धर्म अंगीकार गरेका विस्वका अन्य देशहरुलाई पनि आ आफना विश्वको मौलिक परम्परामा वौद्ध विहार र गुम्वाहरु निर्माण गर्न स्वीकृत दिईयो, उक्त गुम्वाहरु निर्माण गर्न उक्त परिसरमा डेढ सय कित्ता जग्गा भाग लगाईए पनि हाल सम्म २८ वटा देशले मात्रै आफनै मौलिक शैलीमा आकर्षक वौद्ध विहारहरु निर्माण गरेका छन् । 

जर्मन, चीन, थाईलैण्ड, कोरिया, म्यान्मार, कम्वोडिया, क्यानडा, श्रीलंका, स्वीजरल्याण्ड, लगायतका २८ देशले वौद्धविहार निर्माण गरेर आफनै देशका भिन्ते (लामा गुरु) राखेका छन् । नेपालको राजकीय वौद्ध विहारबाहेक सांसद जीप छिरिङ्ग लामाले पनि आकर्षक वौद्ध विहारको निर्माण गराएका छन् । वौद्ध विहार निर्माण गर्ने देशका पर्यटकहरु आए पछि आवास तथा भोजनका लागि सवै विहारहरुले गेष्ट हाउस र होटल समेत सञ्चालन गरेका छन् । विहारका लामा गुरुहरुको आवास पाँचतारे होटलको जस्तै सुविधा सम्पन्न छ । 

लुम्विनी विकास गुरु योजनाले निर्दिष्ट गरे वमोजिमको ७० प्रतिशत निर्माण कार्य सम्पन्न भइ आगामी ३ वर्षमा बाँकी कार्य पनि सम्पन्न हुने कोषका सदस्य सचिव ढकालले बताए । लुम्विनी परिसर नजिकैका ठुला कलकारखाना तथा उद्योगहरुले प्रदुषण बढाएको आरोप लागेपछि सबै उद्योगहरुलाई छिमेकी जिल्ला नवलपरासी तिर स्थान्तरण गर्ने कार्य पनि भइरहेको छ ।

प्रकाशित : श्रावण २९, २०७५ १६:३७
प्रतिक्रिया
पठाउनुहोस्

धादिङबेंसीमा १० देशका लोक कलाकार (फोटोफिचर)

शब्द/तस्बिर : हरिहरसिंह राठाैर

धादिङ — धादिङबेंसीमा आयोजित १२ दिने महोत्सवले सदरमुकाम बजारमका चहलपहल बढेको वेला आईतवार विदेशी कलाकारहरुको जुलुशले सदरमुकामको रौनक बढाएको हो ।

एभरेष्ट नेपाल कल्चर ग्रुपले नवौं अन्तर्राष्ट्रिय लोक साँस्कृतिक मेला २०१८ को अवसर पारेर विभिन्न १० देशका कलाकारलाई सदरमुकाम निम्त्यकएको थियो । महोत्सवका आयोजकहरुले गरेको आमन्त्रणमा भारत, बंगलादेश, टर्की, ग्रीस, मलेसिया, कोस्टारिका, ईजरायल, इस्टोनिया, ईन्डोनेसिया, इटालीका लोक कलाकारहरुलाई आमन्त्रण गरेका थिए । कलाकारहरुले आ आफना देशका मौलिक भेषभुषा र आदिवासीका मौलिक लोकवाजासहित प्रदर्शनी गरेका थिए ।  

मलेसियाका कलाकारले वाँसका मौलिक वाजाहरुको प्रदर्शन गरेको थियो भने ईन्डोनेसियाका कलाकारहरुले पंछीका प्वाँखका विभिन्न गहनाहरु लगाई आफनो संस्कृति प्रस्तुत गरेका थिए । 

बंगलादेश स्थित जिनिया डान्स एकेडेमीका कलाकारहरुले आफनो प्रशिद्ध आदिवासी सपेरा जाती को मौलिक नाच प्रस्तुत गरेको थियो भने भारतको समुहले पंजाव राज्यको पंजाव लोक कला केन्द्रका कलाकारहरुले आफनो रैथाने नाच प्रस्तुत गरेका थिए । वालीनाली भित्र्याएपछि, विहेवारी जस्ता खुशीयालीमा नाचिने परम्परागत नृत्य वंगडा उनीहरुको प्रस्तुती थियो । 

मलेसियाका जिके सेभेन हाईल्याण्डर्सका कलाकारहरुले वाँसका मौलिक वाजा वजाएर विभिन्न संगीत तथा मौलिक नाचहरु प्रदर्शन गरेका थिए । 

‘समृद्ध धादिङको कामना : एक घर एक व्यवसाय हाम्रो चाहाना’ भन्ने नाराको साथ धादिङ महोत्सव गत बुधवारदेखि सुरु भएको हो । विभिन्न देशका कलाकार समुहलाई महोत्सव आयोजक समितिका अध्यक्ष रामलाल श्रेष्ठले विभिन्न उपहार दिएर विदाई गरेका थिए । 

जिल्लाका साना तथा मझौला उद्योग व्यवसायको प्रवर्द्धन गर्दै स्वरोजारका लागि युवालाई आकर्षित गर्ने, जिल्लाको पर्यटन प्रवर्द्धन, जडीबुटी उत्पादन, खनिजजन्य उत्पादनलाई प्रचारप्रसार एवं व्यवस्थित गर्ने  उद्देश्यले आयोजना गरिएको  महोत्सव फागुन २७ गतेसम्म चल्ने आयोजकले जनाएको छ । थोरै लगानीमा साना तथा मझौला व्यवसायमा संलग्न व्यावसायीले उत्पादन गरेका सामग्रीको प्रदर्शन तथा बिक्रीवितरण महोत्सवमा भइरहेको छ । साना तथा मझौला व्यवसायीको हक हितको लागि यो महोत्वसव फलदायी बन्नेमा आफू विश्वस्त रहेको संस्थाका अध्यक्ष रामलाल श्रेष्ठले बताए । 

प्रकाशित : फाल्गुन २०, २०७४ २०:२५
पूरा पढ्नुहोस्
प्रतिक्रिया
पठाउनुहोस्
×