कान्तिपुर वेबसाईट
AdvertisementAdvertisement

दाउराका लागि ज्यानकै जोखिम

तस्बिर/शब्द : हरिहरसिंह राठौर

काठमाडौँ — जाजरकोटको वारेकोट भेकबाट आउने भेरी नदीको सहायक नलसिंहगाडले हरेक वर्षातमा दाउरा बगाएर ल्याउँछ । यसरी बगाएर ल्याउने दाउरा तल्लो तटीय गाउँवस्तीका बासिन्दाहरुका लागि इन्धनको स्रोत हो । त्यही दाउराको लागि उनीहरुले ज्यान जोखिममा पार्छन् ।

आफनो बस्तीमा जंगल विनाश गरिएकाले दाउरा पाउन छोडे पछि ठुलो भेरी, सानो भेरी, छेडाखोला र नलसिंहगाडले वर्षातमा बगाएर ल्याउने दाउरा भेलसंग जुध्दै संकलन गर्नु उनीहरुको लागि बाध्यता हो । 

डोल्पाबाट आउने भेरी नदीले पनि हरेक वर्ष दाउरा बगाएर ल्याउने गर्छ । नदीले बगाएर ल्याएका दाउराहरु ठुलो ताल परेको पानी घुम्ने स्थलमा घुमाएर पाखा लगाउने गर्छ । भेरी नदीले बगाएर ल्याएका दाउराले सल्यानको नाम्रा, सल्लीवजार, र सुर्खेतका राकम, मेहलकुनालगायतका ठुलावस्तीका लागि दाउराको जोहो हुन्छ ।  

प्रकाशित : श्रावण १, २०७५ १२:२७
प्रतिक्रिया
पठाउनुहोस्

एक वर्षमा छब्बीस गैंडा मरे

रासस

चितवन — चितवन राष्ट्रिय निकुञ्जमा गत आर्थिक वर्षमा विभिन्न कारणले २६ वटा गैंडा मरेका छन् । निकुञ्जका सूचना अधिकारी नुरेन्द्र अर्यालका अनुसार जुँधेर, बच्चा जन्माउन नसकेर, बाढीले बगाएर र बुढो भएर ती गैंडा मरेका हुन् । 

तस्बिर : राष्ट्रिय निकुञ्ज विभाग

गतवर्षको साउनमा आएको बाढीका कारण बगाएर र दलदलमा भासिएर चार वटा गैंडा मरेका थिए । त्यसैगरी बच्चा जन्माउन नसकेर तीन वटा गैंडा मरेको उनले बताए ।

२०७३ चैत २५ गते बेलहठ्ठा हरियाली मध्यवर्ती सामुदायिक वनमा तस्करहरूले एउटा गैंडा मारेका थिए । त्यसयता तस्करले गैंडा मार्न भने सकेका छैनन् । अन्य कारणले वर्षेनी मर्ने गैंडाको संख्या भने बढ्दो रहेको छ । आर्थिक वर्ष २०७३/७४ मा २५ वटा गैँडा मरेकामा एउटा चैत २५ गते तस्करले मारेको र अन्य अरु कारणले मरेको सूचना अधिकारी अर्यालले बताए ।

आव २०७२/७३ मा अन्य कारणबाट १५ वटा गैंडा मरेका थिए । अन्य कारणले मर्ने गैंडाको संख्या बढ्दै गएपछि अनुसन्धान सुरु गरिएको निकुञ्जका प्रमुख संरक्षण अधिकृत बेदकुमार ढकालले बताए ।

चितवन राष्ट्रिय निकुञ्जको पछिल्लो गणनाअनुसार ६०५ वटा गैंडा छन् ।

प्रकाशित : श्रावण १, २०७५ १२:२१
पूरा पढ्नुहोस्
प्रतिक्रिया
पठाउनुहोस्
×