उद्धारकाे पर्खाइमा गोबरगाढा (फोटो र भिडियो)

अवधेशकुमार झा

गोबरगाढा (सप्तरी) — सप्तरीको हनुमाननगर कंकालिनी नगरपालिका–१३ गोबरगाढाका बासिन्दा ६ दिनयता पानी माथि बस्न बाध्य छन् । घर, अाँगन सबै जलमग्न भए पछि उनीहरु बगिरहेको पानी माथि खाट राखेर बसेका छन् ।

कोसीका २ वटा भंगालो गोबरगाढाबस्तीका घरहरुबाटै बग्न थालेपछि उनीहरु असुरक्षित भएका हुन्। केही स्थानीय विद्यालयमा आश्रय लिएर बसिरहेका छन्। विद्यालयमा पनि पानी पस्ने जोखिमले उनीहरुको बसाइँ त्यहाँ पनि सुरक्षित छैन्।

कष्टपूर्ण अवस्थामा भए पनि गोबरगाढासम्म अझै राज्य पुग्न नसकेको प्रति स्थानीय आक्रोसित छन्। बालबालिका बिरामी पर्न थालेका छन्।

खाद्यान्न अभावमा स्थानीय भोकै बस्न बाध्य छन्। खानेपानीका टयुबेल पानीमा डुबेकाले स्थानीय धमिलो पानी खान बाध्य छन्।

हनुमाननगरबाट ४ घण्टासम्म जोखिमपूर्ण डुंगा यात्रापछि मात्र अहिले गोबरगाढा पुग्न सकिने अवस्था छ। उनीहरुले तत्काल अन्यत्र सारेर सुरक्षित बनाउनुपर्ने माग गरेका छन्।

प्रकाशित : श्रावण १, २०७५ १२:४०
प्रतिक्रिया
पठाउनुहोस्

दाउराका लागि ज्यानकै जोखिम

तस्बिर/शब्द : हरिहरसिंह राठौर

काठमाडौँ — जाजरकोटको वारेकोट भेकबाट आउने भेरी नदीको सहायक नलसिंहगाडले हरेक वर्षातमा दाउरा बगाएर ल्याउँछ । यसरी बगाएर ल्याउने दाउरा तल्लो तटीय गाउँवस्तीका बासिन्दाहरुका लागि इन्धनको स्रोत हो । त्यही दाउराको लागि उनीहरुले ज्यान जोखिममा पार्छन् ।

आफनो बस्तीमा जंगल विनाश गरिएकाले दाउरा पाउन छोडे पछि ठुलो भेरी, सानो भेरी, छेडाखोला र नलसिंहगाडले वर्षातमा बगाएर ल्याउने दाउरा भेलसंग जुध्दै संकलन गर्नु उनीहरुको लागि बाध्यता हो । 

डोल्पाबाट आउने भेरी नदीले पनि हरेक वर्ष दाउरा बगाएर ल्याउने गर्छ । नदीले बगाएर ल्याएका दाउराहरु ठुलो ताल परेको पानी घुम्ने स्थलमा घुमाएर पाखा लगाउने गर्छ । भेरी नदीले बगाएर ल्याएका दाउराले सल्यानको नाम्रा, सल्लीवजार, र सुर्खेतका राकम, मेहलकुनालगायतका ठुलावस्तीका लागि दाउराको जोहो हुन्छ ।  

प्रकाशित : श्रावण १, २०७५ १२:२७
पूरा पढ्नुहोस्
प्रतिक्रिया
पठाउनुहोस्