जनताको ढाड सेकेर आयल निगम धनी !

तर, आयल निगमका प्रबन्ध निर्देशक गर्व गरेर भन्छन्, ‘आयल निगमलाई मैले फाइदामा लगें ।’ यस्ता विषयमा संसद्मा बहस हुनपर्‍यो, खालि कुर्सी तानातानको खेल खेलेर मात्र भएन । जे गर्दा पनि निरीह जनता नबोल्ने भएपछि आयल निगमले जे गर्दा भइहाल्यो । निगमले खाना पकाउने ग्यास, पेट्रोल र डिजेलमा नाफा राखेर बेच्ने सोच बनाएको भन्ने समाचार आएको छ । निगम त्यत्तिकै फाइदामा छ भने उल्टो नाफा राखेर बेच्नचाहिँ किन पर्‍यो ?

हरेक क्षेत्रबाट लुटिने भनेको जनता नै हो । जनतालाई राहत दिनुपर्छ भनेर सरकारले त सोचेन भने निगमले कसरी सोच्ला ? यस वर्ष ८.३४ अर्ब नाफा गर्ने लक्ष्य राखेको निगमले जनताको ढाड सेक्न मिल्दैन । नाफा हुँदा कर्मचारीलाई बोनस दिने निगम घाटा हुँदा सरकारले बेहोर्नुपर्छ । अहिले स्वचालित मूल्य राखेर पेट्रोलियम पदार्थ बेच्न थालेपछि लगातार निगम नाफामा जान थालेको छ । यसलाई गलत मान्न सकिएन तर भारतमा भन्दा दोब्बर बढी मूल्य राखेर तेल बेच्नचाहिँ पाइएन नि !
– पुरुषोत्तम घिमिरे, जोरपाटी, काठमाडौं