‘शासकको कब्जामा पुगेको खुलामञ्च’
'खुलामञ्च बन्द छ’ समाचारमा facebook.com/eKantipur बाट लिइएका टिप्पणी :
आफूहरूलाई परेको मर्का देशले सुनोस् र सरकारले सम्बोधन गरोस् भनेर ११ दिन पैदल हिँडेर राजधानी काठमाडौं आउनु र सडकमै रात बिताउनु रहर होइन बाध्यता हो । मानवीय धर्मको नाताले कसैले त बुझिदिनुपर्ने हो ! अपसोच, देशमा मानवअधिकार र मानवता हराइसकेछ !
– रञ्जन पौडेल
सत्तामा लिप्त नेताहरूले कुर्सीभन्दा अरू केही नै देख्दैनन् । आन्दोलनकारीहरूको ज्यान जोखिममा पर्छ अनि आन्दोलन छोडी घर फर्कनुबाहेक विकल्प रहँदैन ।
– भोजबहादुर क्षत्री
सरकारले खुला चौर पनि दिएन, विरोधका लागि ।
– दुर्गानारायण सापकोटा
जनताको शासनमा खुलामञ्च पनि शासकको कब्जामा पुगेको छ ।
– सरोज कोइराला
लोकतन्त्र हुँदै गणतन्त्रसम्म आइपुग्दा गरिब जनताको बास खुला सडकमा आइपुग्यो । यही रहेछ नियति !
– कृष्ण श्रेष्ठ
खुलामञ्च हैन बन्दमञ्च हो यो । पीडितहरू झन् पीडित हुनु ठूलो कुरो रहेन अब !
– विनोद सूर्योदय
गाँसबासको व्यवस्थापन गर्न नसक्ने सरकारले के न्याय दिलाउँछ ?
–भूषणकुमार यादव
शान्तिपूर्ण रूपमा भेला भएर आफ्नो माग सुनाउन खुलामञ्च एक सेकेन्ड पनि बन्द गर्न मिल्दैन ।
– रामेश्वर काफ्ले
कति दुःख दिएका होलान् । खुरुक्क बालुवाटारभित्र ससम्मान स्वागत गरेर कुरा अगाडि बढाउनु नि ! ती महिलाहरू कति दिनदेखि हिँडेर काठमाडौं आएका छन्, खानपिनको व्यवस्था गर सरकार, झोले कार्यकर्तालाई मात्र कति पोस्छौ ।
– दुर्गा दर्सु
के हुँदै छ देशमा ? सरकारको ध्यानाकर्षण होस्, गणतन्त्रमा यस्तो त नहुनुपर्ने !
– कुमार नवीन
बालुवाटारले स्वागत गर्नुपर्ने आन्दोलनकारीलाई खुलामञ्च पनि दिइएन । यो कस्तो व्यवस्था ?
– हरि बस्नेत