'जंगल हुँदै पोर्चुगल पुगेका ५ हजार नेपाली बिचल्लीमा’ समाचारमा facebook.com/eKantipur बाट लिइएका टिप्पणी :

सरकारले पोर्चुगलमा राजदूतावास खोल्न जरुरी छ । ५ हजार नागरिकलाई यसरी अलपत्र पार्न पाउँदैन ।
– ऋषि राज

अलिअलि पढेकै अलिअलि आधुनिकचेत भएका र युरोप/अमेरिकातिरै आफ्नो भाग्य खोज्न मन पराउनेहरूले किन नबुझेका होलान्, मानव तस्करले बखान गरे जसरी नै आफू हिँडेको स्वर्गमा सजिलै पुगिन्छ र सजिलै महिनाको तीन, चार लाख रुपैयाँ बराबरको काम पाइहालिन्छ भन्ने अद्भुत असम्भव कुथुंग्री ।
– सम्सेद शर्मा चापागाई

सरकारले काम परेका बेलामा सहयोग गर्ला भन्ने विश्वास छैन ।
– मुरारी दाहाल

मानिसहरू यसरी जोखिमपूर्ण यात्रा गरेरे पोर्चुगल पुगेको नेपाल सरकारलाई जानकारी छ कि छैन ?
– पुष्प काफ्ले

हजारौं नागरिक यसरी अलपत्र परेका छन् । सरकारले तत्काल उनीहरूको उद्धार गर्नुपर्छ । उनीहरूलाई कसले त्यहाँ पुर्‍यायो भन्ने पनि खोजी हुनुपर्छ । अहिले मानव तस्करहरू नेपालमा अधिक क्रियाशील छन् । वैदेशिक रोजगारीका नाममा सोझासीधालाई ठग्ने काम रोकिनुपर्छ ।
– नारायण गौतम

स्वदेशमा रोजगारीको अवसर नभएपछि पछिल्लो समय नेपाली युवाहरूको रोजगारीको गन्तव्य पोर्चुगल भइरहेको छ । त्यहाँ अचम्मैसँग नेपालीको संख्या बढेको छ । पारिश्रमिक खासै आकर्षक पनि होइन । तर, अन्य युरोपियन मुलुक छिर्न सजिलो माध्यम बनेको छ । त्यहाँबाट अन्त जान सके मनग्य कमाउन सक्छन् । यही कारण पोर्चुगलमा नेपालीहरूको संख्या बढेको हो । त्यसैले नेपाली दूतावासको स्थापना गर्नु आवश्यक छ ।
– बलराम गुरूङ

स्वदेशमै रोजगारी नपाएपछि, बाध्य भएर यसरी नै जाने त हो ।
– सन्दर्भ खनाल

यी नागरिकको बाध्यता हेर्दा कहाली लाग्छ ।
– समय शर्मा

नेपालको अहिलेको वास्तविक चित्र हो समाचार ।
– लक्ष्मी खड्का