२२.१२°C काठमाडौं
काठमाडौंमा वायुको गुणस्तर: २०१

शक्तिशालीलाई चैन

पाठक पत्र

स्वतन्त्र पार्टीका सभापति रवि लामिछानेविरुद्ध राहदानी दुरुपयोग गरेको मुद्दा नचल्ने निर्णय अनुमोदनका लागि, काठमाडौं सरकारी वकिलको कार्यालयले उच्च सरकारी वकिलको कार्यालय पाटनमा पठाएको पत्रले नेपालको न्याय व्यवस्थामा प्रश्न उठाउन बाध्य बनाएको छ ।

यस प्रक्रियामा उच्च अदालतले पनि समर्थन जनाई, महान्यायाधिवक्ता कार्यालयले मुद्दा फिर्ता लिने भनी हुन सक्ने निर्णयले ‘सर्वसाधारणलाई ऐन, शक्तिशालीलाई चैन’ भन्ने उखानको पुष्टि हुनेछ ।

स्वतन्त्र पार्टीका सभापति स्वच्छ छन्, राहदानी लिए पनि दुरुपयोग नभएको भनी सरकारी वकिलको कार्यालयको भनाइ, कानुनी नभई राजनीतिक दबाबमा आएको हो । निरस्त भएको नागरिकताको प्रयोग गरी दोहोरो राहदानी राख्नुको उद्देश्यले बदनियती दर्साउँछ ।

जगजाहेर भइसकेको यस प्रकरणको टुंगो न्यायालयबाट लागेमा, न्यायप्रति जनआस्थामा आउन सक्ने ह्रासको स्थिति रोकिनेछ ।
– महेन्द्रसिंह बम, टीकापुर–१, कैलाली

प्रकाशित : चैत्र ७, २०७९ ११:२०
प्रतिक्रिया
पठाउनुहोस्
जनताको राय

सहकारी ठग्नेलाई कारबाहीको दबाब दिन प्रमुख विपक्षी दल कांग्रेसले गरेको सडक आन्दोलन घोषणालाई कसरी लिनुभएको छ ?