कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १८८

चर्चै नहुनुपर्ने विषय पनि ठूलो

पाठक पत्र

राष्ट्रपति रामचन्द्र पौडेलले सर्वसाधारणलाई नरोकी वसन्तपुर परिसरमा रहेको कुमारीको मन्दिर भ्रमण गर्नु सामान्य विषय हो ।

यस्तो विषयमा चर्चा–परिचर्चा हुनुपर्ने थिएन । तर यसलाई पनि उपलब्धि मान्न नागरिक विवश छन् ।

राजामहाराजा वा पूर्वराष्ट्रपतिको सवारीमा जस्तो तामझाम नहुनु राम्रो पक्ष हो तर यस्तो कार्यले पूरा कार्यकाल निरन्तरता पाउनुपर्छ । यहाँ ‘तीललाई पहाड बनाएर’ जनतालाई सास्ती दिने, रवाफ देखाउने गरिन्छ । यस्तो परम्परा अब बदलिनुपर्छ । सर्वसाधारणकै बीचमा राष्ट्राध्यक्षको आवागमन होस्, यही नै आमचाहना हो ।

राष्ट्र प्रमुखका रूपमा गरिने पदीय सम्मानमा आमजनको कुनै विमति होइन तर अनावश्यक रूपमा सवारीहरूमा अपनाइने सुरक्षा, सार्वजनिक एवं निजी यातायातहरूमा गरिने परिबन्दले विशेष गरी काठमाडौंवासी आजित भैसकेका छन् । राष्ट्रपतिको मात्र होइन अरू विशिष्ट व्यक्तिहरूको हकमा पनि यो लागू हुनैपर्छ ।
– शिवप्रसाद घिमिरे, बानेश्वर, काठमाडौं

प्रकाशित : चैत्र ६, २०७९ ११:०२
प्रतिक्रिया
पठाउनुहोस्
जनताको राय

आर्थिक वर्ष २०८१/०८२ को वार्षिक बजेट ल्याउने समय एक साता मात्र बाँकी रहँदापनि संघीय संसद्को गतिरोध खुलाउन सरकारले किन तदारुकता नदेखाएको होला ?