सबैलाई कारबाही हुनुपर्छ

बहालवाला सभामुख बलात्कार काण्डमा पक्राउ पर्नु, १२ वर्षभन्दा पहिला जिउँदै मानिस जलाएको आरोपमा तत्कालीन मन्त्री तथा बहालवाला सांसद मोहम्मद अफताब आलम पक्राउ पर्नु, दोलखाका सांसद पार्वत गुरुङ पक्राउ पर्नु लगायत विभिन्न घटनामा संलग्न दोषीहरू समाती अनुसन्धान गर्दा कानुन छ कि भन्ने आभाष भएको छ । विगतमा ठूलाबडाहरूले अपराध गर्दासमेत कुनै कारबाही नगर्दा सर्वसाधारणमा निराशा र भय पैदा भएको थियो । गलत गर्ने अपराधी चाहे प्रधानमन्त्री हुन्, मन्त्री हुन्, उच्चपदस्थ कर्मचारी हुन् वा सर्वसाधारण सबैलाई कानुन बमोजिम दण्ड, सजाय दिएमा न्याय पाएको महसुस हुनेछ । तराई/मधेस, हिमाल, पहाड सबैतिर विगतदेखि नै आपराधिक गतिविविधमा संलग्नहरू समाजमा खुलेआम हिंँडिरहेको देख्दा डरैमर्नु भएको छ । द्वन्द्वकालका घटना त्यतिकै थन्किएका छन् । सबैलाई राज्यले कानुनी कारबाहीको दायरामा ल्याउन सक्नुपर्छ ।
– चन्द्रप्रसाद खनाल, लम्की, कैलाली