जनता ठगिएको ठगियै

यद्यपि गण्डकी मेडिकल कलेजको आन्दोलन जारी छ । चितवन मेडिकल कलेजले गरेको निर्णयसँगै स्वास्थ्य क्षेत्रमा भएको मनपरीतन्त्र सार्वजनिक मात्र भएको छैन, अब देशभरका मेडिकल कलेजहरू आन्दोलित हुनेछन् । मेडिकल कलेजमात्र होइन, अधिकांश शैक्षिक प्रतिष्ठानहरू सेवाका नाममा व्यापार गरिरहेका छन् । स्वास्थ्य, शिक्षा, सामाजिक प्रतिष्ठानहरू व्यापारिक प्रतिष्ठानका रूपमा अनुवाद भइरहँदा सरकारी नियमनकारी निकायहरूको मौनता आश्चर्यपूर्ण छ । जथाभावी खोलिएका स्वास्थ्य प्रतिष्ठानहरू र तिनले प्रदान गर्ने सेवामा लाग्ने शुल्कको निगरानीमा सम्बन्धित निकायको बेवास्ताले स्वेच्छाचारिता बढिरहेको छ । चितवन मेडिकल कलेजलाई नजिर मान्दै सरकारले कुनै पनि मेडिकल कलेजलाई अतिरिक्त शुल्कका रूपमा विद्यार्थीबाट रकम असुल नगर्न निर्देशन दिनुपर्छ ।
– उत्तम पुडासैनी, जोरपाटी, काठमाडौं