कांग्रेसको बटम लाइन

वैवाहिक अंगीकृत नागरिकताको प्रावधानलाई लिएर सत्तारुढ र प्रमुख प्रतिपक्षी दल बीचको विवाद बढेको छ  ।

नागरिकता सम्बन्धी विषयको कानुन बन्नलाग्दा गहन छलफल र विवाद हुनु स्वाभाविकै हो । यस्ता विवाद जति नै चुलिए पनि अन्ततः संवैधानिक प्रावधान अनुसारको बहुमत विधायकहरूको मतले कानुन बन्ने र लागू हुने अभ्यास लोकतान्त्रिक पद्धतिको हो । तर प्रमुख प्रतिपक्षी दल नेपाली कांग्रेसले २०६३ सालको नागरिकता विधेयककै प्रावधान अनुसार हुनुपर्ने भन्दै बटम लाइन सार्वजनिक गरेको सुन्दा अचम्म लाग्यो । वैवाहिक अंगीकृत नागरिकताको सवालमा अति नै सहजीकरण हुनुभन्दा अन्तर्राष्ट्रिय अभ्यासलाई समेत दृष्टिगत गरेर केही कडाइकै प्रावधान राख्न सरकार चाहन्छ भने यसमा आश्चर्यको कुरो भएन । यस्तो विषयमा प्रतिपक्षी दलको बटम लाइनले कत्तिको प्रभाव पार्नेछ भन्ने समयले देखाउला ।
– महेशप्रसाद ढुंगाना, नयाँवानेश्वर, काठमाडौं