सहयोगको अपिल

कान्तिपुर संवाददाता

नुवाकोट जिल्ला तादी गाउँपालिका वडा नं. ३ प्रभुडाँडा निवासी ४६ वर्षीया म साइँली तामाङ दुई वर्षदेखि ईएसआरडी (इन्ड स्टेज रेनल डिजिज) रोगका कारण दुवै मृगौलाले काम गर्न छोडेको छ  ।

नेपाल डाइलाइसिस सेन्टर गोंगबुमा हप्ताको दुईपटक डाइलाइसिस गरिरहेको छु । डाक्टरको सल्लाह अनुसार जतिसक्दो छिटो मृगौला प्रत्यारोपण गर्नुपर्छ । मेरो श्रीमान् मृगौला दिन तयार भए पनि रकम अभावले प्रत्यारोपणको काम अघि बढ्नसकेको छैन । आजसम्मको उपचारमा मेरो जो भएको सम्पत्ति सबै सकिइसक्यो । अब कसैको सहयोगविना थप उपचार गर्न असमर्थ छु । तसर्थ देश–विदेशमा रहनुभएका सहयोगी व्यक्ति तथा संघ–संस्थासँग सहयोगको अपेक्षा गरेको छु । मलाई सहयोग गर्न चाहनुहुने व्यक्ति तथा संघ–संस्थाले प्रभु बैंकको मनमैजु शाखामा मेरै नाममा रहेको खाता नं.१६११०७०१३३९९९८०००००१मा आफूले सकेको रकम जम्मा गरी सहयोग गरिदिनु हुन अनुरोध गर्छु । साथै ९८६१२८३१६० मा सम्पर्क गरी थप जानकारी लिन सक्नुहुनेछ।

प्रकाशित : भाद्र १९, २०७६ १२:०९
प्रतिक्रिया
पठाउनुहोस्

भाषाको त, थ, द, ध

कान्तिपुर संवाददाता

बुधबार प्रकाशित पत्र ‘नेपाल भाषाका थप विशिष्ट पक्ष’ बारे लेख्दैछु  ।

पत्र लेखक श्याममोहन श्रेष्ठले लेख्नुभएको छ– ‘सबै नेपालीले खुलस्तै थाहा पाएको कुरा हो, काठमाडौँ उपत्यकाका नेवारहरूले त, थ, द, ध को उच्चारण गर्दा ट, ठ, ड, ढ उच्चारण गर्छन् ।’ यस विषयबारे देशव्यापी सर्वेक्षण भएपछि मात्र सबै नेपालीले थाहा पाएको हो कि होइन निर्णय गर्न सकिन्छ, तर म पनि काठमाडौँको मुटु मानिने असन त्यौडमा जन्मेको नेवार हुँ र मलाई थाहा भएअनुसार नेपाल भाषाको त, थ, द, ध को उच्चारण मूर्धन्य व्यञ्जन पनि होइन, दन्त्य व्यञ्जन पनि होइन । यी दुईबीच दन्त उलुखलीय व्यञ्जन (अंग्रेजीमा ऐल्वीअलर कन्सोनेन्ट) हो । श्रेष्ठले नेपाल भाषाको विशिष्ट पक्षलाई ‘अचम्म’ र ‘अनौठो’ भनेर वर्णन गर्नुभएको छ । हामीले अरु कुनै भाषाको थोरै अध्ययन गरे पनि थाहा पाउन सकिन्छ, अरु भाषाकोपनि विशिष्ट पक्ष हुन्छ र अचम्म र अनौठो लाग्नुपर्ने केही छैन ।
– केआर तुलाधर, काठमाडौँ

प्रकाशित : भाद्र १९, २०७६ १२:०८
पूरा पढ्नुहोस्
प्रतिक्रिया
पठाउनुहोस्