तलबमान असमान

कान्तिपुर संवाददाता

सुरक्षा निकाय मात्र किन ? निजामती सेवा भित्रै पनि असमानता छ  । राजपत्राङ्कित तृतीय श्रेणी (शाखा अधिकृत) भनेको सातौँ र आठौँ तह हो  ।

द्वितीय श्रेणी (उपसचिव) भनेको नवौँ र दसौँ तह हो । जबकि तृतीय श्रेणीको छेटौँ तह र द्वितीय श्रेणीको आठौँ तह (शाखा अधिकृत) बराबर तलब कायम गरिएको छ । यो कसरी न्यायोचित हो ?
– जयकुमार कटुवाल, jayakumarkatuwal@yahoo.com

प्रकाशित : भाद्र १२, २०७६ १२:४०
प्रतिक्रिया
पठाउनुहोस्

सिक्किम बनाउने कुरा

कान्तिपुर संवाददाता

नेपाली कांग्रेसका सांसद प्रदिप गिरीले केही दिनअघि गरिमामय व्यवस्थापिकाको अन्तर्राष्ट्रिय सम्बन्ध समितिमा बोलेका वाक्य हुन्, ‘भारतले सकेको दिन नेपाललाई सिक्किम बनाउँछ  ।

यस भनाइको मतलब के हो ? गिरीले नेपाललाई भन्दा छिमेकी देशलाई काखी च्यापेको कुरा २०४६ साल, १२ बुँदे लगायतमा गरेका कारबाही र उनले बोकेर नेपाल ल्याएका छिमेकी नेताहरूबाटै प्रस्ट भइसकेको छ । संसद भवनभित्र सांसदहरूका अगाडि र आम नेपालीले देख्ने, सुन्नेगरी बोलेका माथिका शब्दहरूलाई सिधा भाषामा अर्थ लगाउँदा त्यो ‘राष्ट्रघात’ नै हो । त्यस्ता शब्दहरू कुनै भारतीय, अमेरिकी, बेलायती, चिनियाँ सांसदले तिनका मुलुकमा बोलेका भए जेल हाल्दैन थिए ? अनि नेपालका सुरक्षा अङ्गहरू के हेर्छन् ? यो राष्ट्रिय सुरक्षामा चुनौती हो कि होइन ? जनताले मत दिएका र तिनकै करबाट पालिएका यस्ता सांसदले ‘फिफ्थ कलमनिस्ट’को काम गर्छन् भने यो देशले गिरीमाथि राष्ट्र विप्लवको मुद्दा लगाउनु नपर्ने कारण के छ ? यिनले नेपाली राष्ट्रियतामाथि प्रहार गरेका छन् । यो क्षम्य हुन सक्दैन ।
– प्रेमसिंह बस्न्यात, बाँसबारी, काठमाडौं

प्रकाशित : भाद्र १२, २०७६ १२:३९
पूरा पढ्नुहोस्
प्रतिक्रिया
पठाउनुहोस्