कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

मेलम्चीको पानी

कान्तिपुर संवाददाता

मेलम्ची आयोजना लागू होला र मनग्गे पानी पिउँला भन्ने उपत्यकावासीका आकांक्षा पूरा हुने छाँटकाँट तत्काल देखिँदैन  । मेलम्चीको न्वारन गरिएको २०४६ सालको मुलुकमा आएको परिवर्तनपछि हो  ।

तर जति मेलम्ची आयोजनाको उमेर हुर्किंदै बाल, युवा र अधबैँसेको समयावधि ग्रहण गरे पनि नतिजा शून्यप्रायः छ । किनकि जबसम्म उपत्यकावासीका धारामा धरर्र मेलम्चीको पानी झर्दैन, तबसम्म अंकगणितीय हिसाबले यस आयोजनालाई सफल भनी किटानीसाथ ग्रेड तोक्न मिल्दैन । कागजी हिसाबले आयोजनाले आजसम्म ९७ प्रतिशत कार्य सम्पन्न भएको भनी बताइरहँदा व्यावहारिक हिसाबले हेर्दा यो ठ्याक्कै उल्टो छ । पानी झरेपछि शतप्रतिशत काम भएको भनी ग्रेडिङ गर्ने सूत्र प्रयोग गर्ने हो भने पानी नआउँदासम्मको प्रगति ‘जिरो’ भन्ने कि नभन्ने ? यसो भन्दा कसैलाई चित्त दुख्न जाला पनि । तर हजारपटक ‘मेलम्ची छिटै आउने’ भनी पटक–पटक झुट बोलेर आजसम्म लाखौँलाई पानी खान नदिने षडयन्त्र गरिएकोमा तिनका दुखेका चित्तचाहिँ पत्थरका हुन् ? तर त्यहाँ भएको केचाहिँ सत्य हो भने जब–जब काम सकिन थाल्छ, त्यति नै चुनौतीका चाङले मेलम्ची छोपिएको छ । यसको मतलव उपत्यकामा पानी ल्याउन सिंहदरबारको भित्री ढोकादेखि मेलम्चीका सुरुङसम्म तेर्सिने हरेक चौबाटाका तगारारूपी भूतप्रेत, आइतबारेहरूलाई मन्छन सक्नुपर्छ । फेरि कोही जैविक नामले कोही वातावरणका नामले कोही दान लिने हेतुले कोही थर्काउने मनसायले र कोही रोक्ने अभिप्रायका जिब्रो लप्काएर बसेका वरिष्ठ, कनिष्ठहरूलाई खुसी नपारिकन मेलम्ची आउनै सक्दैन ।
– श्यामसुन्दर कुइँकेल, हाँडीगाउँ, काठमाडौँ

प्रकाशित : श्रावण २१, २०७६ १२:४२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?