कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

कसले कसलाई ढाँट्यो ?

भारतीय राजदूतावासबाट परराष्ट्र मन्त्रालयलाई तरकारी तथा फलफूलको विषादी चेकजाँज नगर्नु भनी आएको पत्रबारे आफू अनभिज्ञ रहेको प्रधानमन्त्री ओलीको भनाइले संशय पैदा गराएको छ  । यस्ता महत्त्वपूर्ण विषयमा प्रधानमन्त्रीलाई समेत थाहा नदिने मन्त्रालयका कर्मचारीहरूले कसरी जिम्मेवारी निर्वाह गर्लान् ? प्रधानमन्त्रीलाई उनको सचिवालय, सल्लाहकारहरूका साथै मन्त्रालयका सचिवहरूले असहयोग गरिरहेका रहेछन् भन्ने प्रस्ट हुन्छ  ।

परराष्ट्र मन्त्रालयले प्रधानमन्त्रीको उपहास गरेको र स्वेच्छाचारी ढङ्गबाट अगाडि बढ्न खोजेको यसले देखिन्छ । हुन त प्रधानमन्त्रीको कुरा त्यति धेरै सत्य हुँदैन । उनले अरूलाई उल्लु बनाएर आफू चोखिने बाटो खोजेका पनि हुन सक्छन् ।
– सुजन देवकोटा, पालुङटार–४, गोरखा
.....
प्रधानमन्त्री ओलीका भनाइ सुन्दा लाग्छ, देश माफियाले चलाइरहेका छन् । उनलाई चलाउने बलियो समूह छ । त्यही घेराभित्र उनी छन् । व्यक्तिगत स्वार्थले नै मानिस स्वार्थ समूहको घेरा बाहिर निस्कन सक्दैन । जहाँ गयो, ढाँट्न सिपालु ओलीको क्याबिनेटमा प्रायः उनीजस्तै ढँटुवा प्रवृत्तिका छन् । यस्तो कार्यशैलीले प्रधानमन्त्री ओलीलाई असफलतातर्फ धकेलिरहेको छ । काम नगर्ने, ढाँट कुरामात्र बढी गर्ने बानीले हानि बाहेक केही गर्दैन । आफ्नो चाकडी गर्ने बाहेक अरूलाई शत्रुझैं व्यवहार गर्ने, विपक्षीको कुरा नसुन्ने, तल्लो स्तरका गालीका कारण ओली अलोकप्रिय बन्दै गइरहेका छन् ।
– निश्चल नेपाल, मण्डन देउपुर–१०, काभ्रेपलाञ्चोक

प्रकाशित : असार २७, २०७६ ११:४६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?