खर्चको स्रोत के ?

कान्तिपुर संवाददाता

काठमाडौँ — पूर्व प्रधानमन्त्री पुष्पकमल दाहाल श्रीमतीको उपचारमा अमेरिका पुगेर भर्खरमात्र फर्केका छन्  । श्रीमती दाहालको शीघ्र स्वास्थ्यलाभको कामना पनि गर्छु  ।

मैले बुझेसम्म पूर्व प्रधानमन्त्रीहरू विदेश जाँदा सरकारलाई जानकारी गराउँछन् । दाहालको मामिलामा उनी सरकारको आधी अंशियार र नेकपाका आधी अध्यक्ष्य पनि हुन् । उनको अमेरिका भ्रमण र श्रीमतीको उपाचारबारे नेकपा दल र सरकार जिम्मेवार छ । प्रचण्ड सहित ३/४ जनाको अमेरिकाको हवाई भाडा, उताको बसाइ अनि उपचार खर्चको आर्थिक स्रोत के हो ? उनले जनतालाई दिएको सम्पत्ति विवरणमा २/३ तोला सुन र २/३ कट्ठा जमिन बाहेक केही छैन । उनले लगेको अमेरिकी डलर सटही सुविधा कसरी भयो ? अहिले अन्य नेपालीले डलर साट्नै धौधौ छ, बैंकले थोरै सटही सुविधा दिएको छ । उक्त उपचारमा भएको सम्पूर्ण खर्च सरकारको, अमेरिकी सहयोग वा अन्य कुनै व्यक्ति वा संस्थाको सहयोग वा दाहालकै निजी स्रोतबाट भएको हो ? यो आम नेपालीले जान्न पाउने कि नपाउने ? प्रचण्डले नैतिकता देखाउने हो भने र सरकार पारदर्शी हुने हो भने यस विषयमा यथार्थ सार्वजनिक गर्नु वेश हुन्छ ।
– प्रेमसिंह बस्न्यात, बाँसबारी, काठमाडौं

प्रकाशित : चैत्र १९, २०७५ ११:०२
प्रतिक्रिया
पठाउनुहोस्

डढेलोको प्रभाव

कान्तिपुर संवाददाता

काठमाडौँ — गर्मी मौसमको सुरुवातसँगै हाम्रो वरपरका वनजङ्गलमा वर्षेनि डढेलो लाग्ने गर्छ  । यसले हाम्रो वातावरण धुम्म हुने हावामा धुवाँ र धुलाका कणले मौसममा निसासिएको महसुस हुन्छ  ।

डढेलो आफै लागेको या लगाइएको हो भन्ने पुष्टि हुन सक्दैन । किसानले जङ्गलमा नयाँ पालुवा पलाउँछ र दैनिक घाँसपातका लागि सजिलो हुन्छ भन्ने महसुस गरी जानीे–जानी पनि आगो लगाउने गर्छन् । अन्जानमा पनि आगो लाग्न सक्छ । जस्तै– जङ्गलमा हिँड्दा चुरोट खाएर ठुटा फाल्ने, क्याम्प फायर गरेर राम्ररी आगो ननिभाई छाडिदिँदा त्यो आगो फैलिएर पात–पतिङ्गर हुँदै आगलागी हुनसक्छ । जङ्गलमा आगो लाग्दा किराफट्याङ्ग्रा लगायत वन्यजन्तु विचल्लीमा पर्छन्, धेरैजसो मर्छन् । चराचुरुङ्गी र वन्य जीवजन्तुहरूको बासस्थान जोखिममा पर्छ । आगो फैलिँदै गयो र नियन्त्रणमा आएन भने त्यो नजिक रहेका गाउँबस्ती पनि नष्ट हुनपुग्छ । मानिसको बासस्थान जोखिममा पर्न जान्छ । वनजंगलमा हुने आगलागीले इकोसिस्टम नै प्रभावित हुनपुग्छ ।
– उत्पल देवकोटा, आँबुखैरेनी, तनहुँ

प्रकाशित : चैत्र १९, २०७५ ११:०२
पूरा पढ्नुहोस्
प्रतिक्रिया
पठाउनुहोस्