बन्द होइन, निगरानी आवश्यक
काठमाडौँ — ‘काठमाडौंमा मोटरसाइकल र स्कुटरमा यात्री ओसारपसार गर्न रोक’ समाचारले दु:ख लागेको छ । जताततै जामका कारण समयमा कहिल्यै पुग्न सकिन्न । बाइकले १०० मा पुर्याउने ठाउँमा ट्याक्सीले ४०० भन्छ । सबै ठाउँमा पुग्न सकिन्न ।
बाइकले २० मिनेटमा पुर्याउने ठाउँमा ट्याक्सीमा एक घन्टा लाग्छ । एक जनाको लागि छिटोछरितो र गल्लीमा पुग्ने साधन भनेको बाइक हो । यस सेवालाई बन्द गर्दा एक्लै हिँड्ने मानिसलाई १०० ले पुग्ने ठाउँमा ५०० खर्च हुनेछ । निम्न आय भएकालाई मर्का पर्छ । बाइक चलाउने पनि निम्न आय भएका नै हुन् । त्यसैले बन्द होइन, कानुनी दायरामा राखेर यो सेवालाई निरन्तरता दिइओस् ।
– रेवतीप्रसाद सुवेदी, थाक्रे–१०, धादिङ
