नेपाली कामदार जापान जाने

कान्तिपुर संवाददाता

काठमाडौँ — परराष्ट्र मन्त्री प्रदीप ज्ञवालीको निमन्त्रणामा २ दिने नेपाल भ्रमणमा आएका जापानका विदेशमन्त्री तारो कोनोले नेपाल–जापान सिधा हवाई उडान र दुईपक्षीय परामर्श बैठकसम्बन्धी विषयमा संयुक्त हस्ताक्षर गरे ।

विदेशमन्त्री कोनोले नेपालको यातायात, राजमार्ग र कृषि क्षेत्रमा सहयोग गर्ने वचनबद्धतासाथै नेपाली कामदारलाई जापानमा सरकारी तवरमै पठाउने सम्झौता गर्न एउटा टोली शीघ्र नेपाल पठाउने आश्वासन दिएको सुखद कुरा सुन्नमा आयो । आफ्ना समकक्षीसँंगको औपचारिक बैठकपछि जापानका विदेशमन्त्री, प्रधानमन्त्री ओली र राष्ट्रपति विद्यादेवी भण्डारीसँग शिष्टाचार भेटघाट गरी स्वदेश फर्किएका थिए । विदेशी पाहुनाको औपचारिक भ्रमणमा सरकार, राष्ट्रप्रमुख र प्रतिपक्षी नेतासँंगको भेटघाट नियमित कार्यक्रमको अंग हुन्छ । तर यो भ्रमण प्रतिपक्षी नेतासंँग भेटघाट बिनै सम्पन्न भएकै हो र ? या विदेशी पाहुनासंँगको कुरा गोप्य राख्न सरकारले प्रतिपक्षी नेतालाई भेटाएन ?
– महेन्द्रसिंह बम, टीकापुर–१, कैलाली

प्रकाशित : पुस २८, २०७५ ०८:११
प्रतिक्रिया
पठाउनुहोस्

अदालतको फरक–फरक आदेश

कान्तिपुर संवाददाता

काठमाडौँ — सुमार्गीको रकमबारे सर्वोच्चको आदेश ‘अनुसन्धान गर्नु’ समाचार पढेपछि केही लेखौं–लेखौं लाग्यो । सुमार्गीका रकम वारपार गर्ने/गराउनेबारे यस अघिदेखि एउटा शक्तिशाली बिचौलिया पक्ष जोडतोडले सफल हुँदै आएको भनी सुन्नमा नआएका होइनन् ।

सुमार्गीले मुक्ति सिमेन्टका नाममा भित्र्याएका झन्डै अर्ब हाराहारी रकमको स्रोतको डीएनए अर्थात् ब्लड रिलेसन कतै कोहीसँग मिल्दैन । लामो समयदेखि उक्त रकम देश भित्रिएपछि टसमस नगरिकन जहींको तहींअड्केर बसेको हुनुपर्छ भन्ने बुद्धिजीवीहरूको अडकल सोह्रैआना ठिक ठहरिएको छ । तर यहाँ बिचौलियाहरू अनेक भ्रम सिर्जना गरी सर्वोच्च न्यायालयलाई अचानो पारी सुमार्गीले ल्याएका रकम वाहिर्‍याउन सफल भएपछि सर्वोच्च नेतृत्व एकाएक झस्कन पुगेको हुनुपर्छ । त्यसैले उसले आफ्नै पूर्व अन्तरिम आदेशलाई एकाएक सच्याउँदै व्यापारी अजय सुमार्गीका नाममा निकासा भइसकेको रकम पहिलेकै अवस्थामा ‘अपटुडेट’ पार्न अर्को आदेश जारी गरेको छ ।
– श्यामसुन्दर कुइँकेल, हाडीगाउँ, काठमाडौं

प्रकाशित : पुस २८, २०७५ ०८:११
पूरा पढ्नुहोस्
प्रतिक्रिया
पठाउनुहोस्