वाइड बडी खरिदमा घोटाला

कान्तिपुर संवाददाता

काठमाडौँ — पुस १६ गते प्रकाशित ‘वाइड बडीमा साढे ३ अर्ब बढी मूल्य’ समाचार पढ्दा उदेक लागेर केही प्रश्न तेस्र्याएको छु । किनभने नेपाल वायुसेवा निगमले दुइटा वाइड बडी खरिद गर्दा अख्तियार दुरुपयोग अनुसन्धान आयोगको प्रारम्भिक अनुसन्धानबाट करिब साढे ३ अर्ब बढी खर्च भएको देखियो ।

आशयपत्र जारी गरेपछि ११ बटा कम्पनीले पेस गरेका प्रस्ताव मूल्याङ्कनका क्रममा सन् २०१६ को आधारभूत मूल्य करिब ९ करोड अमेरिकी डलर निर्धारण गरेकोमा निगमले करिब ११ करोडका दरले दुइटाका लागि करिब २२ करोड डलर भुक्तानी गर्‍यो । एयरबसले पठाएको मूल्यसूची र भुक्तानी हेर्दा कम्तीमा साढे ३ अर्बको चलखेल भएको देखिन्छ । अत: एयरबसले पठाएको पत्र

गोप्य राखिएको छ ।


अख्तियार दुरुपयोग अनुसन्धान आयोगको प्रारम्भिक छानबिन विवरणसंँग संसदको सार्वजनिक लेखा समिति र महालेखा परीक्षणको मूल्याङ्कन प्रतिवेदनसँंग मेल खाएको छ । विभिन्न कम्पनीका प्रस्ताव मूल्याङ्कन क्रममा १० करोड ४० लाख डलरमा मात्र विमान खरिद सम्झौता भए पनि मूल्य समायोजनका नाममा विना औचित्य ४० लाख डलर भुक्तानी गर्नु भ्रष्टाचार हो । विमान अवतरण गर्दाको दृश्यले नै घोटाला छर्लङ्ग देखिएको थियो ।

– गंंगाराज अर्याल, पाणिनि–८, पाली, अर्घाखाँची

प्रकाशित : पुस १८, २०७५ १०:५४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

रहर होइन, बाध्यता

कान्तिपुर संवाददाता

काठमाडौँ — जापान सरकारले ४० हजार कामदार लाने भन्ने समचार पत्रपत्रिकामा आउने बित्तिकै हाम्रा देशका युवायुवतीहरूमा एक प्रकारको खुसी छाएको छ । खुसी पनि किन नछाओस् ? अरब तथा खाडी मुलुक गएर दिक्क भएका युवायुवतीले जापानजस्तो विकसित मुलुकमा काम गर्न जान पाउने भए ।

जापान सरकारले माग गरिरहेको छ, तर हाम्रा देशका नेताले कुनचाहिँ मेनपावर कम्पनीलाई यसको जिम्मा दिने हो, थाहा छैन । सरकार † सोचविचार गर, कोरियाको जस्तै जापानमा पनि कम खर्चमा युवाहरूलाई रोजगारीका लागि पठाउने चाँजोपाँजो मिलाउ । मेनपावरलाई जिम्मा दिएर कमिसन खाने काम नगर । विदेश जानु कसैको रहर होइन, बाध्यता हो । विदेश नगएर पनि के गर्ने ? स्वदेशमा काम छैन । डिग्रीको सर्टिफिकेट लिएर अफिस–अफिस काम खोज्न जाँदा पनि काम पाइँदैन । पावर र पैसाबिना काम पाउनु भनेको दिवासपना मात्र हो । अनि विदेश नगए के गर्ने ?
– पुरुषोत्तम घिमिरे, जोरपाटी, काठमाडौं

प्रकाशित : पुस १८, २०७५ १०:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×