कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

आयोडिनयुक्त नुन सेवन गर्ने बढे

पर्सा — दशक लामो प्रयासपछि मध्य तराईका अधिकांश बासिन्दाले आयोडिनयुक्त नुन खान थालेका छन् । विगतमा चेतना अभावमा खुला तथा ढिके नुन सेवन गर्थे ।

केहीले भारतबाट आयात गरिएको अखाद्य नुन खान्थे । यस्ता उपभोक्तालाई लक्षित गरी आयोडिनयुक्त प्याकेट नुन प्रयोगसम्बन्धी जनचेतनामूलक कार्यक्रम सञ्चालन गरिएपछि अहिले मध्य तराईका ४ जिल्लाका करिब ९० प्रतिशत उपभोक्ताले आयोडिनयुक्त नुन प्रयोग गर्न थालेका हुन् ।

साल्ट ट्रेडिङ कर्पोरेसन लिमिटेड अञ्चल कार्यालय प्रमुख अमोज लामिछाने ११ वर्षयताको निरन्तरको प्रयासपछि सफलता मिलेको दाबी गरे । ‘पर्सादेखि सर्लाहीसम्मका बजार र उपभोक्तालाई लक्षित गरी कार्यालयले प्याकेटमा बिक्री हुने आयोडिनयुक्त नुनको प्रवद्र्धनात्मक कार्यक्रम सञ्चालन गर्दै आएको छ,’ उनले भने, ‘कार्यक्रम सुरु गर्दा आव ०६१/६२ मा यस क्षेत्रका जम्मा २२ प्रतिशत उपभोक्ताले प्याकेट र ७८ प्रतिशतले खुला नुन प्रयोग गर्दै आएका थिए, हाल गत आवसम्म आउँदा करिब ९० प्रतिशत उपभोक्ताले आयोडिनयुक्त प्याकेट नुन प्रयोग गर्न थालेका छन् ।’

सीमावर्ती भारतीय बजारमा अझै पनि खुला नुन बिक्री हुने र धेरै भारतीयले चेतनाको अभावमा यही प्रयोग गरिरहेको अवस्था छ । सीमावर्ती नेपाली गाउँका बासिन्दाले पनि यसैको सिको गरेका थिए । ‘यस्ता उपभोक्तालाई लक्षित गरी कर्पोरेसनले नियमित जनचेतनामूलक कार्यक्रम गरिरहेको छ,’ उनले भने, ‘यो त्यसकै परिणाम हो ।’ दक्षिण एसियाली मुलुकहरूमध्ये नेपालमा सबैभन्दा पहिले ४ दशकअघि नै आयोनुनको सेवन सुरु गरिएको लामिछाने बताउँछन् । 

आयोडियुक्त नुन खाँदा शारीरिक वृद्धि हुने, गलगाँड हुँदैन ।

प्रकाशित : माघ २७, २०७३ १०:००
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?