सिद्धार्थ बैंकको १८ औं वार्षिक साधारण सभा सम्पन्न
काठमाडौँ — सिद्धार्थ बैंक लिमिटेडको १८ औं वार्षिक साधारण सभा मिति २०७६ कार्तिर्क ७ गते बिहिबार काठमाडौंमा सम्पन्न भएको छ । बैंकका अध्यक्ष मनोज कुमार केडियाको अध्यक्षतामा सभा सम्पन्न भएको हो ।
साधारण सभाले बैंकको चुक्ता पूँजी आठ अर्ब अठासी करोड छयहत्तर लाख चार हजार पाँच सय चालिस रुपैयाँको १० प्रतिशत बराबरको अठासी करोड सतासी लाख साठ्ठी हजार चार सय चउन्न रुपैयाँको बोनस शेयर तथा १५.२६ प्रतिशत बराबरको एक अर्ब पैँतिस करोड पैँसठ्ठी लाख उनन्तीस हजार एक सय चौध रुपैयाँ नगद लाभांश प्रदान गर्ने लगायतका प्रस्ताव पारित गरेको छ । २०७६ आश्विन मसान्त सम्ममा बैंकले १२४ अर्ब निक्षेप संकलन गरेको छ भने रु ११३ अर्ब कर्जा लगानी गरेको छ ।
सबैक्षेत्र र वर्गसम्म बैंकिङ सेवाको पहुँच पुर्याउने उद्देश्यले बैंकले देशभर ४ एक्स्टेन्सन् काउन्टरसहित १६७ वटा शाखा तथा १०१ शाखारहित बैंकिङ सेवा, १८६ एटीएम र १,६०० भन्दा बढी पीओएस मेसिन मार्फत् बैकिङ सेवा प्रदान गर्दै आएको छ ।