गण्डकी विश्वविद्यालय विधेयक प्रमाणीकरण
गण्डकी — गण्डकी प्रदेश प्रमुख बाबुराम कुँवरले गण्डकी विश्वविद्यालयको स्थापना, व्यवस्थापन र सञ्चालन गर्न बनेको विधेयक सोमबार प्रमाणिकरण गरेका छन् । विधेयक असोज ८ को प्रदेशसभा बैठकले पारित गरेको थियो ।
पारित विधेयकलाई असोज १४ मा गण्डकी प्रदेशसभा सचिवालयले प्रमाणिकरणका लागि प्रदेश प्रमुखको कार्यालयमा पठाएको थियो ।
संविधानको धारा २०१ को उपधारा २ बमोजिम प्रदेश प्रमुखले विधेयक प्रमाणिकरण गरि त्यसको सूचना प्रदेशसभालाई दिनुपर्ने व्यवस्था छ । सोही धाराको उपधारा ५ को व्यवस्था बमोजिम प्रदेश प्रमुखबाट प्रमाणिकरण भएपछि विधेयक ऐन बन्छ ।
प्रकाशित : आश्विन २८, २०७६ ११:१८