एनआरएन मलेसियाको अध्यक्षमा भट्टराई 

अध्यक्ष पदमा चुनिएसँगै भट्टराईले आफ्ना प्रतिबद्धताहरु सार्वजनिक गरेका छन् । उनले मलेसियामा कार्यरत श्रमिकहरुलाई लक्षित गरी श्रमिक कल्याणकारी कोषको स्थापना गर्ने, संघको आफ्नै कार्यालय स्थापना, कार्यविधि निर्माण गर्ने ,मलेसियमा कार्यरत संघ/संस्थाहरुसँग सहकार्य गर्ने, संगठन बिस्तार, संस्थाका गतिविधिका बारेमा जानकारी दिने, अन्तरक्रियात्मक कार्यक्रम सञ्चालन गर्ने लगायत छन् ।

यस्तै अध्यक्ष भट्टराईले नेपाल र मलेसियाबीचको सम्बन्धलाई अझ प्रगाढ बनाउने काम गर्ने, भ्रमण वर्ष २०२० लाई सफल बनाउन विभिन्न प्रवर्द्धनात्मक कार्यक्रम सञ्चालन गर्ने पनि प्रतिबद्धता जनाएका छन् ।