संविधानमा कैदीलाई आम माफी माग्दै जुलुस !

काठमाडौ — मंगलबार काठमाडौंमा एउटा भिन्न किसिमको जुलुस र प्रदर्शन भयो । यसमा न त प्रदेशको माग गरिएको थियो न राज्यको । प्रदर्शनकारीको माग थियो - सम्पूर्ण कैदी बन्दीलाई आम माफी दिएर रिहा गर ।

प्रदेश सिमाङ्कनलाई लिएर देशका विभिन्न भागमा जुलुस तथा आन्दोलन भइरहेका छन् । कतै जिल्ला टुक्राएको भन्दै विरोध छ त कतै चाहेको जस्तो प्रदेश नबनेको । तर
देशभरका कारागारमा भएका कैदीलाई मानवता र मानव अधिकारका नाताले रिहा गर्नुपर्ने जुलुसमा माग गरियो । कैदी बन्दीहरुका आफन्त र परिवारजनले यो जुलुस निकालेका थिए । 
‘नयाँ संविधानमा सम्पूर्ण कैदी बन्दीलाई अाम माफी गर, बाँच्न पाउने अधिकारको सुनिश्चितता गर’ भन्दै प्रदर्शनी मार्गमा निस्किएको कैदी बन्दीहरूका आफन्तको जुलुस भृकुटीमण्डप परिसर पुगी कोणसभामा परिणत भएको थियो ।
















 
 
 

प्रकाशित : श्रावण २६, २०७२ २०:०६
प्रतिक्रिया
पठाउनुहोस्

संवादबाट समाधान खोज: आयोग

काठमाडौ — राष्ट्रिय मानवअधिकार आयोगले संविधानको पछिल्लो मस्यौदामा भएको सहमतिपछि विभिन्न ठाउँमा भएको विरोध प्रदर्शन र झडप रोक्न सरकारलाई आग्रह गरेको छ । समस्याको समाधान वार्ता र संवादबाट थाल्न पनि आयोगले दुवै पक्षलाई भनेको छ ।


सुर्खेतमा प्रहरीको गोली लागेर मृत्यु र घाइते भएकामा आयोगले दुःख व्यक्त पनि गरेको छ ।
'विरोधका क्रममा प्रदर्शनकारीले सरकारी सवारी साधन, राजनीतिक दलका कार्यालय तथा व्यक्तिगत सम्पत्तिमाथि आगजनी गरेपछि भीडलाई नियन्त्रणमा लिन प्रहरीले गोली चलाएको पाइएको छ,' आयोगले मंगलबार जारी गरेको विज्ञप्तिमा भनिएको छ, 'प्रदर्शनलाई थप हिंसात्मक नबनाउन तथा संयमित रहन आयोग प्रहरी, प्रशासन र प्रदर्शनकारीलाई आग्रह गर्दछ ।'
आफ्ना माग शान्तिपूर्ण तरिकाबाट राख्न आयोगले प्रदर्शनकारीहरूलाई भनेको छ ।

 

प्रकाशित : श्रावण २६, २०७२ २०:०४
पूरा पढ्नुहोस्
प्रतिक्रिया
पठाउनुहोस्