कुलमान घिसिङमाथि सरकारको ‘अनावश्यक’ आरोप : माओवादी 

शुक्रबार पार्टी कार्यालय पेरिसडाँडामा बसेको स्थायी समिति बैठकमा माओवादी अध्यक्ष पुष्पकमल दाहालले सरकारले घिसिङलाई अनावश्यक र अस्वभाविक आरोप लगाएको बताए ।

एक स्थायी सदस्यका अनुसार दाहालले घिसिङलाई विभिन्न बहाना बनाएर सरकारले कारबाही गर्न खोजेको बताए । ‘सरकारले पूर्वाग्रही ढंगले कुलमान घिसिङलाई कार्बाही गर्न खोजेको छ,’ उनले भने, ‘उनीमाथि लगाएका आरोप अस्वाभाविक छन् ।’

बैठकपछि उपाध्यक्ष एवं प्रवक्ता अग्निप्रसाद सापकोटाले पनि घिसिङलाई अस्वाभाविक आरोप लगाएको बताए ।