१७.१२°C काठमाडौं
काठमाडौंमा वायुको गुणस्तर: १९७

प्रधानमन्त्रीसँग गैरआवासीय नेपाली प्रतिनिधिमण्डलको भेट, नागरिकता र मुख्यालय भवनको विषयमा छलफल

काठमाडौँ — राजेन्द्रकुमार शर्मा नेतृत्वको गैरआवासीय नेपाली संघ(एनआरएनए)को टोलीले प्रधानमन्त्री पुष्पकमल दाहालसँग भेटी गैरआवासीय नागरिकता र संघको मुख्यालय भवनको विषयमा छलफल गरेको छ ।

प्रधानमन्त्रीसँग गैरआवासीय नेपाली प्रतिनिधिमण्डलको भेट, नागरिकता र मुख्यालय भवनको विषयमा छलफल

शर्माको नेतृत्वमा टोलीले प्रधानमन्त्री निवास बालुवाटारमा प्रधानमन्त्रीलाई भेट्दै गैरआवासीय नागरिकताको अधिकार दिने नियम छिटो ल्याउन र गैरआवासीय नेपाली संघको भवनलाई सरकारले प्रक्रिया अनुसार लिजमा एनआरएनएलाई दिन आग्रह गरेको हो ।

प्रधानमन्त्रीसँगको भेटमा गैरआवासीय नागरिकता पाउने व्यवस्था भएपनि नागरिकता अनुसार पाउनुपर्ने अधिकार नपाएको भन्दै प्रधानमन्त्रीको ध्यानाकर्षण गराएको अध्यक्ष आरके शर्माले जानकारी दिए ।

‘अदालतको फैसलालाई सम्मान गर्दै अहिले एनआरएनए रहेको मुख्यालय लिजमा अन्य कानुनी आधारबाट एनआरएनएलाई प्रयोग गर्न दिने व्यवस्था मिलाउन सम्माननीय प्रधानमन्त्रीलाई अनुरोध गरेका छौं,’शर्माले भेटपछि भने,‘सम्माननीय प्रधानमन्त्रीज्यूले नागरिकतामा पाउने अधिकारहरुको विषयमा छिटै कानुनी व्यवस्था हुने र नियम अनुसार भवनको विषयमा निर्णय हुने आश्वासन दिनु भएको छ।’

प्रधानमन्त्रीसँग भेटमा एनआरएनएका पूर्व अध्यक्ष कुल आचार्यले गैरआवासीय नागरिकता पाएपछि पाउनुपर्ने अधिकार नपाएको हुँदा विभिन्न समस्या भोग्नु परेको हुँदा यसलाई सहजीकरण गर्न आग्रह गरेका थिए ।

एनआरएनए उपाध्यक्ष गंगाधर गौतमले एनआरएनएको भवनको लागि जग्गा किन्नेहरु दोषी रहेको भन्दै उनीहरुलाई पनि कानुनी दायरामा ल्याउनुपर्ने सरकारले विशेष निर्णय गरेर केही समयको लागि भवन एनआरएनएलाई दिनुपर्ने बताए । उनले आफूहरु यो विरुद्ध अदालतमा जाने पक्षमा नरहेको जानकारी प्रधानमन्त्रीलाई दिए ।

प्रधानमन्त्रीसँग भेटमा एनआरएनए उपाध्यक्ष खगेन्द्र न्यौपाने,उपाध्यक्ष डिबी क्षेत्री,जनसम्पर्क सभापति अमेरिकाका सभापति आनन्द बिष्ट लगायत सहभागी थिए ।

प्रकाशित : फाल्गुन ११, २०८० १५:५५
प्रतिक्रिया
पठाउनुहोस्
जनताको राय

कक्षा १ मा भर्ना भएकामध्ये ५० प्रतिशत विद्यार्थी मात्र एसईई परीक्षामा सहभागी हुन्छन् । विद्यालय शिक्षा पुरा नहुँदै विद्यार्थी पलायन हुनेक्रम रोक्न के गर्नुपर्छ ?