कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १७२

राष्ट्रिय सभाको निर्वाचनमा सहभागी हुने राप्रपाको निर्णय

काठमाडौँ — राष्ट्रिय प्रजातन्त्र पार्टी (राप्रपा) ले आसन्न राष्ट्रिय सभाको निर्वाचनमा सहभागी हुने र त्यसबारे अन्य दलहरुसँग समेत सहकार्यको ढोका खुला राख्ने निर्णय गरेको छ । बिहीबार पार्टी केन्द्रीय कार्यालय धुम्बाराहीमा बसेको केन्द्रीय कार्यसम्पादन समिति बैठकले माघ ११ गते हुने राष्ट्रिय सभाको निर्वाचनमा पार्टीले सहभागिता जनाउने र निर्वाचनमा अन्य दलहरुसँग सहकार्य गर्ने विषयमा समेत खुला रहने निर्णय गरेको हो ।

राष्ट्रिय सभाको निर्वाचनमा सहभागी हुने राप्रपाको निर्णय

बैठकले अन्य दलसँग आवश्यक सहयोग जुटाउन संवाद र सहजीकरणका लागि वरिष्ठ नेता उपाध्यक्ष बुद्धिमान तामाङलाई जिम्मेवारी दिएको छ । बैठकले पार्टीको नियमावली–२०८० लाई विधान मस्यौदा समितिमा पठाइ रायसहित केन्द्रीय कार्यसमितिको बैठकमा पेस गर्ने निर्णय गरेको प्रवक्ता मोहनकुमार श्रेष्ठले बताए । उनका अनुसार बैठकले आगामी पुस २७ गते पृथ्वीजयन्ती तथा राष्ट्रिय एकता दिवसलाई केन्द्रीय तहसहित पार्टीको सबै तहमा उत्सवका रुपमा मनाउने निर्णय गरेको छ ।

त्यस्तै, बैठकले इलाममा हुने प्रतिनिधिसभाको उपनिर्वाचनमा पार्टीको तर्फबाट आवश्यक तयारी, समन्वय र सहजीकरण गर्न पार्टीका उपाध्यक्ष हेमजङ गुरुङलाई जिम्मेवारी दिने निर्णय गरेको छ ।

राप्रपाको केन्द्रीय कार्यसमितिको बैठक आगामी पुस १, २ र ३ गते काठमाडौँमा बस्ने कार्यतालिका छ ।

प्रकाशित : मंसिर २१, २०८० १७:३९
प्रतिक्रिया
पठाउनुहोस्
जनताको राय

दूधको भुक्तानी माग्दै सुरू भएको किसानको आन्दोलनपछि भएको सहमतिबारे तपाईंको धारणा के छ ?