कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

सत्ता पक्षले प्रश्न गर्नै नपाउने भन्ने कहीं लेखिएको छैन : राणा

काठमाडौँ — नेपाली कांग्रेसका सांसद उदयशमशेर राणाले सत्ता पक्षले भ्रष्टाचारका सवालमा प्रश्न उठाउनै नपाउने भनेर नियमावलीमा कहीं पनि नलेखिएको बताएका छन् । उनले एउटा सांसदले सदनमा उठाएको सार्वजनिक महत्वको विषय कुनै छानबिन नगरी रेकर्डबाट हटाउन नमिल्ने बताए ।

सत्ता पक्षले प्रश्न गर्नै नपाउने भन्ने कहीं लेखिएको छैन : राणा

प्रतिनिधिसभाको बैठकमा माओवादी केन्द्रका सांसद लेखनाथ दाहालले पशुपति मन्दिरमा जलहरी लगाउने बेला तत्कालीन सरकारले भ्रष्टाचार गरेको भन्ने वक्तव्य दिएको विषयमा नेकपा एमालेले संसद् अवरोध गरेपछि बैठक स्थगित छ । एमालेले त्यसबारे सरकारले जवाफ दिनुपर्ने र दाहालले बोलेको सो अडियो रेकर्डबाट हटाउनुपर्ने माग गर्दै संसद् अवरुद्ध पारेको छ ।

सत्तारुढ दल कांग्रेसका सांसद राणाले भने एउटा सांसदले सदनसम्म विषय प्रवेश गराएपछि त्यसबारे संसदीय छानबिन समिति बनाएर छानबिन गरेर विषयलाई टुंगोमा पुर्‍याउनुपर्ने बताए । ‘सत्तापक्षले प्रश्न गर्नै नपाउने भन्ने संसद्को नियमावलीमा कतै पनि छैन । प्रतिपक्षले सरकारमा भएको दललाई गाली गर्ने, सरकारमा भएको दलले चाहिँ चुप लागेर बसिरहनुपर्ने भन्ने हुँदैन,’ उनले भने, ‘म केपी शर्मा ओली, एमालेको अध्यक्षले भनेपछि कालो पनि सेतो बन्छ भन्ने खालको उहाँहरूको सोच छ । एउटा सांसदले सदनमा उठाएको विषयलाई त्यति हलुका रुपमा लिन मिल्दैन । त्यसबारे छानबिन हुनुपर्छ ।’

उनले संसदीय समिति बनाएर छानबिन गर्नुपर्ने र जलहरी लगाउने योजनाका विषयमा दूधको दूध, पानीको पानी छर्लंग हुने बताए ।

प्रकाशित : जेष्ठ १२, २०८० १६:२३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?