कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

अस्ट्रेलियाली सहायक विदेशमन्त्रीद्वारा प्रधानमन्त्री दाहालसँग भेटवार्ता

काठमाडौँ — नेपाल भ्रमणमा रहेका अस्ट्रेलियाली सहायक विदेशमन्त्री टिम वाट्सले प्रधानमन्त्री पुष्पकमल दाहालसँग भेटवार्ता गरेका छन् । भेटमा द्विपक्षीय हितका विषयमा कुराकानी भएको थियो । 

अस्ट्रेलियाली सहायक विदेशमन्त्रीद्वारा प्रधानमन्त्री दाहालसँग भेटवार्ता

बुधबार बिहान प्रधानमन्त्री निवास बालुवाटारमा भएको भेटमा उनले नेपालको विकास र समृद्धिमा अस्ट्रेलियाली सरकार र जनताको सहयोगको निरन्तरताको अपेक्षा गरेको प्रधानमन्त्रीको सचिवालयले जनाएको छ ।

प्रधानमन्त्रीले अस्ट्रेलियामा रहेका नेपाली विद्यार्थीहरूको अवस्था र समस्याबारे चासो व्यक्त गरे । सो अवसरमा प्रधानमन्त्री दाहालले अस्ट्रेलियाका प्रधानमन्त्रीलाई नेपाल भ्रमणको निम्तो पनि दिएका थिए ।

भेटमा नेपालको आर्थिक समृद्धिमा कृषि क्षेत्रको व्यवसायीकरण र कृषिमा आधारित उद्योगहरूको विकास र पर्यटन क्षेत्रको प्रवर्द्धनमा सहयोगबारे छलफल भएको थियो ।

मन्त्री वाट्सले अस्ट्रेलियामा नेपालीहरूले राम्रो प्रभाव पारेको भन्दै उनीहरूको योगदानको प्रशंसा गरेका थिए । उनले नेपालको विकास र समृद्धिको अभियानमा अस्ट्रेलियाली सरकार र जनताको सहयोग निरन्तर रहने विश्वास दिलाए ।

प्रकाशित : जेष्ठ ३, २०८० १०:३०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?