नीतिगत अस्थिरताका कारण व्यवसायी लगानी गर्न डराइरहेका छन् : यमुना श्रेष्ठ

सरकारले ती पूर्वाधारको विकास गर्न नसकेको र अहिले निजी क्षेत्रले नै जोड दिइरहेको उनको भनाइ छ । अहिले पनि विद्युतीय सवारीको मर्मतमा लागि विदेशबाट जनशक्ति ल्याउनुपर्ने अवस्था रहेको श्रेष्ठले बताइन् । त्यस्तै नीतिगत स्थिरता पनि नरहेको उनको भनाइ छ । 'एउटा सरकारले बजेट ल्याउँदा विद्युतीय गाडीको कर बढ्ने, अर्को आउँदा फेरि घट्ने अवस्था छ' उनले भनिन् 'यो अस्थिरतामा व्यवसायीले लगानी गर्न डराइरहेको अवस्था छ ।'

विद्युतीय सवारीमा प्रोत्साहन गरिएको भनिए पनि लामो समय भन्सारमा गाडीहरू रोकिएको अवस्था रहेको उनको भनाइ छ । विद्युतीय सवारीको सवाल वातावरणको विषयसँग पनि जोडिएकाले वातावरण प्रदुषण घटाउनका लागि विद्युतीय सवारीको प्रयोग बढाउनु सरकारको दायित्व हुने उनले बताइन् । अस्थिर नीतिका कारण पनि विद्युतीय गाडी फेरि महँगो बनाइन सक्ने उनले आशंका गरिन् । पेट्रोलियम पदार्थमा ठूलो रकम बाहिरिने गरेको अवस्थामा विद्युतीय गाडी बढाउन सके ठूलो रकम जोगिने उनको भनाइ छ ।