विद्युतीय सवारी सञ्चालनबारे स्पष्ट नीतिगत व्यवस्था हुनुपर्छ : प्रधान सम्पादक शर्मा

सोमबार कान्तिपुर मिडिया ग्रुपद्वारा आयोजित 'कान्तिपुर ईभी डायलग' मा स्वागत मन्तव्य व्यक्त गर्दै प्रधान सम्पादक शर्माले विद्युतीय सवारीका सन्दर्भमा नागरिक र नीतिगत तहमा अलमल देखिएको बताएका हुन् ।

अझै पनि नागरिक तहमा केही अलमल रहेको उल्लेख गर्दै प्रधान सम्पादक शर्माले भने, 'अझै पनि नागरिक र नीतिगत तहमा अलमल देखिएको छ । ब्याट्रीले कति चल्छ ? उकालोमा तान्छ कि तान्दैन भन्ने आधारभूत कुरामै बहस भइरहेको हुन्छ । विद्युतीय सवारीका सन्दर्भमा अझै पनि प्रस्ट पार्न सकिएको छैन । '

त्यस्तै बर्सेनि हुने गरेका नीतिगत परिवर्तनले पनि विद्युतीय सवारी सञ्चालनमा कठिनाइ भएको प्रधान सम्पादक शर्माको भनाइ छ । उनले अगाडि भने, 'हरेक वर्ष नीतिहरू परिवर्तन भइरहेको छ । प्रस्ट छैन नीतिहरू । त्यसैले पनि सरकारले नीतिगत रूपमा सम्बोधन गर्नुपर्छ ।'