बारा-२ मा उपेन्द्रलाई उछिने शिवचन्द्रले
बारा — बारा-२ मा जनता समाजवादी पार्टीका उपेन्द्र यादवलाई जनमतका शिवचन्द्र कुशवाहाले उछिनेका छन् । करैयामाई नगरपालिका वडा १ र २ को २ हजार ७४ मत गणना गर्दा यादवलाई कुशवाहाले १०८ मतले अग्रता लिएका हुन् ।
कुशवाहाले ८९५ मत प्राप्त गरेका छन् भने यादवले ७८७ मत प्राप्त गरेका छन् । एमालेका पुरुषोत्तम पौडेलले ५२३ मत प्राप्त गरेका छन् । रास्वपाका रमेश खरेलले भने २३९ मत प्राप्त गरेको निर्वाचन अधिकृतको कार्यालयले जनाएको छ ।
बारा-२ मा आइतबार सम्पन्न मतदानमा ६५.६६ प्रतिशत अर्थात ६९ हजार १ सय ७ मत खसेको छ ।
प्रकाशित : वैशाख ११, २०८० १५:४७प्रतिक्रिया