कान्तिपुर वेबसाईट
AdvertisementAdvertisement
१३.१२°C काठमाडौं
काठमाडौंमा वायुको गुणस्तर: २०

सत्ता गठबन्धनको बैठकमा दलहरूले दाबी गरे मन्त्रालय संख्या

कान्तिपुर संवाददाता

काठमाडौँ — सत्तारुढ गठबन्धनको बैठकमा राजनीतिक दलहरूले आफूले पाउनुपर्ने मन्त्रालय संख्या दाबी गरेका छन् । प्रधानमन्त्री निवास बालुवाटारमा मंगलबार साँझ बसेको बैठकमा गठबन्धन दलहरूले पार्टीका तर्फबाट मन्त्रालय संख्या दाबी गरेका हुन् ।

सत्ता गठबन्धनको बैठकमा दलहरूले दाबी गरे मन्त्रालय संख्या

बैठकमा गठबन्धनको प्रमुख दल कांग्रेसले नौ मन्त्रालयमा दाबी गरेको छ । त्यस्तै, जनता समाजवादी पार्टी र एकीकृत समाजवादीले तीन/तीन मन्त्रालय आफूले पाउनुपर्ने दाबी गरेका छन् ।

लोकतान्त्रिक समाजवादी पार्टीले दुई मन्त्रालय दाबी गरेका छन् । प्रतिनिधिसभामा कांग्रेस सबैभन्दा ठूलो पार्टी हो । सत्तारुढ गठबन्धनमा रहेका पार्टीहरूका प्रतिनिधिसभामा कांग्रेसका ८८, माओवादी केन्द्रका ३२, जसपाका ११, एकीकृत समाजवादीका १०, लोसपाका चार सांसद छन् ।

सत्तरुढ गठबन्धनको बैठकमा सरकारको न्यूनतम साझा कार्यक्रम पनि वितरण गरिएको एक नेताले जानकारी दिए । बैठकमा मन्त्रिपरिषद् विस्तार लगायतका विषयमा छलफल भएको बताइएको छ ।

प्रधानमन्त्रीले सबै राजनीतिक दलका मन्त्रालयमा दाबी र न्यूनतम साझा कार्यक्रममा धारणा बुझेर बुधबार बिहान ९ बजे सत्तारुढ गठबन्धनको बैठक बोलाउने गरी मंगलबारको बैठक स्थगित भएको छ ।

प्रकाशित : चैत्र १४, २०७९ १९:०८
प्रतिक्रिया
पठाउनुहोस्
जनताको राय

सरकारलाई थाहै नदिई एनसेल बिक्री हुनुलाई के भन्नुहुन्छ ?