प्रधानमन्त्रीविरुद्व नाराबाजी गर्दा पक्राउ परेका तीन युवा धरौटीमा छुटे
काठमाडौँ — बानेश्वरमा प्रधानमन्त्री पुष्पकमल दाहालविरूद्ध नाराबाजी गर्दा पक्राउ परेका तीन जना युवक धरौटीमा रिहा भएका छन् । एक साताअघि सार्वजनिक कार्यक्रममा सहभागी हुन बानेश्वर पुगेका प्रधानमन्त्री दाहालविरुद्व नाराबाजी गरेपछि प्रहरीले सोलुखुम्बुका २३ वर्षीय उद्धव बस्नेत, बझाङका १८ वर्षीय विप्लव खड्का र बाग्लुङका सोम शर्माको मुख बन्द गर्दै पक्राउ गरेको थियो ।
उनीहरु मंगलबार जिल्ला प्रशासन कार्यालय काठमाडौंमा ५-५ हजार रुपैयाँ धरौटी तिरेर रिहा भएका हुन् ।उनीहरूमाथि अभद्र व्यवहारको कसुर लागेको थियो ।
प्रशासन कार्यालयले धरौटीमा रिहा गर्न आदेश दिए पनि धरौटी रकम नबुझाएका कारण सोमबार उनीहरूलाई कारागार चलान गरिएको थियो । मंगलबार धरौटी बुझाएपछि उनीहरु रिहा भएको जिल्ला प्रहरी परिसर काठमाडौंका प्रहरी नायब उपरिक्षक (डीएसपी) निरञ्जन भट्टले जानकारी दिए ।
प्रकाशित : चैत्र १४, २०७९ १४:४६प्रतिक्रिया
