२७.१२°C काठमाडौं
काठमाडौंमा वायुको गुणस्तर: १८०

मन्त्रिपरिषद् विस्तार र संसद्को प्रभावकारिताबारे माओवादी पदाधिकारी बैठकमा छलफल

काठमाडौँ — सत्तारुढ माओवादी केन्द्र पदाधिकारी बैठकमा मन्त्रिपरिषद् विस्तार र संक्रमणकालीन न्यायसँग सम्बन्धित विधेयकलाई टुंगो लगाउने विषयमा छलफल भएको छ । माओवादी केन्द्रको पार्टी कार्यालय पेरिसडाँडामा शनिबार बसेको पदाधिकारी बैठकमा संसद्लाई प्रभावकारी बनाउने, मन्त्रिपरिषद् विस्तार र पार्टीलाई अगाडि बढाउने विषयमा छलफल भएको हो । 

मन्त्रिपरिषद् विस्तार र संसद्को प्रभावकारिताबारे माओवादी पदाधिकारी बैठकमा छलफल

माओवादी केन्द्रका सचिव देवेन्द्र पौडेलले सोमबारसम्म मन्त्रिपरिषद् विस्तार गर्नेबारे छलफल भएको बताए । उनले सत्तारुढ गठबन्धनमा सहभागी राजनीतिक दलहरूसँग प्रधानमन्त्री तथा पार्टी अध्यक्ष पुष्पकमल दाहालले छलफल गरेर मन्त्रिपरिषद् विस्तारलाई टुंगोमा पुर्‍याउनेबारे छलफल भएको हो ।

'पदाधिकारी बैठकमा मन्त्रिपरषद् विस्तार बढीमा पर्सि (सोमबार)सम्म गर्ने भन्ने छ । मन्त्रिपरिषद् विस्तारको काम अल्झिएको छैन । प्रधानमन्त्रीलाई गठबन्धनमा रहेका दलहरूले एक्लाएक्लै छलफल गरेर प्रस्ताव तयार गर्न भन्नुभएको थियो । प्रस्ताव तयार भएको र आइतबार वा सोमबार बैठक बसेर मन्त्रिपरिषद् विस्तार हुन्छ,' उनले भने ।

पदाधिकारी बैठकमा संसद्लाई प्रभावकारी रूपमा अगाडि बढाउने विषयमा पनि छलफल भएको पौडेलले बताए । 'संसद्लाई सुचारु गर्ने बारेमा छलफल भयो । संसद्ला‌ई प्रभाकारी रूपमा कसरी अगाडि लैजाने भन्ने विषय थियो । गठबन्धनमा रहेका दलहरूसँग छलफल गरेर संक्रमणकालीन न्यायसँग सम्बन्धित कानुन टुंगो लगाउनेबारे छलफल भयो,' उनको भनाइ थियो ।

त्यस्तै, सरकारका कामसँग पार्टीलाई जोड्ने विषयमा पनि छलफल भएको पौडेलको भनाइ थियो । 'सरकार र पार्टीलाई कसरी जोड्ने भन्ने बारेमा पनि कुरा भयो । गठबन्धनलाई साथमा लिएर जनताले उठाएको जनसरोकारका विषयहरू पार्टीसँग जोडेर पार्टी र सरकारलाई सँगै लिएर जाने छलफल भयो,' उनले भने ।

प्रदेशका सरकारहरूमा आलोपालो गर्ने तथा संघीय सरकारको नीति तथा कार्यक्रमसँग जोडेर प्रदेश सरकारलाई पनि गतिशील बनाउने गरी अघि बढ्नेबारेमा माओवादीमा छलफल भएको हो ।

प्रकाशित : चैत्र ११, २०७९ १७:५१
प्रतिक्रिया
पठाउनुहोस्
जनताको राय

सहकारी ठग्नेलाई कारबाहीको दबाब दिन प्रमुख विपक्षी दल कांग्रेसले गरेको सडक आन्दोलन घोषणालाई कसरी लिनुभएको छ ?