काठमाडौँ — नेपालका उच्च शिक्षा अध्ययनमा अधिकांशको झुकाव व्यवस्थापन क्षेत्रतर्फ देखिएको छ । राष्ट्रिय जनगणना–२०७८ को अन्तिम नतिजाअनुसार सबैभन्दा धेरै व्यक्तिहरु अर्थात ३५.१ प्रतिशतले व्यवस्थापन क्षेत्रको अध्ययन गरेको देखिएको छ ।
शिक्षाशास्त्र अध्ययन गरेका व्यक्तिहरु २९.९ प्रतिशत सहित दोस्रो स्थानमा रहेका छन् भने मानविकी तथा सामाजिक शास्त्र अध्ययन गरेका व्यक्तिहरु ११.५ प्रतिशत सहित तेस्रो स्थानमा रहेका छन् ।
विज्ञान, स्वास्थ्य/चिकित्साशास्त्र, इन्जिनियरिङ, कम्प्युटर/सूचना प्रविधि, कानुन, कृषि, वन र पशुविज्ञान/पशुचिकित्सा/मत्स्यपालन विषय अध्ययन गर्ने व्यक्तिहरु क्रमशः ७.१ प्रतिशत, ४.४ प्रतिशत, ३.० प्रतिशत, १.२ प्रतिशत, ०.८ प्रतिशत, ०.७ प्रतिशत, ०.३ र ०.२ प्रतिशत रहेको रहेको छ ।
१९.५ प्रतिशत जनसंख्या कम्तीमा १२ पास
लैङ्गिक आधारमा विश्लेषण गर्दा सबैभन्दा धेरै पुरुषहरु (३६.९%) ले व्यवस्थापन विषय/क्षेत्र अध्ययन गरेको देखिएको छ भने धेरै महिलाहरु (३६.१%) ले शिक्षाशास्त्र अध्ययन गरेका छन् । मानविकी तथा सामाजिकशास्त्र (११.६%) अध्ययन गर्ने महिला र पुरुषहरु बराबर रहेका छन् ।
