काठमाडौँ — साताको पहिलो दिन आइबार पनि सेयर बजार ओरालो लागेको छ । यस दिन नेप्से परिसूचक ६.९ अंक घटेर १९२६ मा कायम भएको छ । दिनभर कुल १ अर्ब ६ करोड रुपैयाँको कारोबार भयो । ७४ कम्पनीको मूल्य बढ्दा १२७ को घट्यो भने १२ को स्थिर रहृयो ।

बैंकिङ ६.७, विकास बैंक १५.८२, जीवन बीमा ६१, उत्पादन ४९, माइक्रोफाइनान्स ३७ र अन्य उपसमूह ५ अंक घटे । ब्यापार र निर्जीवन बीमा २–२, होटल २६ र जलविद्युत् उपसमूह ६ अंक बढे । तीन कम्पनीको मूल्य भने १० प्रतिशत बढेको छ । मानुसी लघुवित्त, युनिक नेपाल लघुवित्त र शुभम् पावरको मूल्य १० प्रतिशत बढ्यो । ग्रीन भेन्चरको मूल्य ७ प्रतिशत बढ्यो । सिर्जनशील लघुवित्तको मूल्य सबैभन्दा धेरै ७.३ प्रतिशत घट्यो । कारोबार रकमका आधारमा हिमालयन डिस्टिलरी, शिवम् सिमेन्ट, एनआईसी एसिया बैंक, नेपाल लाइफ इन्स्योरेन्स र नबिल बैंक क्रमशः अगाडि रहे ।